Faafeiloai atu mai Rusia!
Talofa, o ma’ua o Paolo ma Margo.
Faatasi mai ma i ma’ua a o ma asiasi i Rusia!
O Rusia o le atunuu sili ona tele i le lalolagi! E salalau atu i konitineta e lua, o Europa ma Asia. O le manu faasao a Rusia o le urosa enaena.
O le faitau pi a Rusia e faaaoga ai mataitusi Siriliki (Cyrillic). O se faailoga lea o loo i luga o se fale o le Ekalesia i Rusia ma se Tusi a Mamona faaRusia.
O le Fale lea o Sagato Pasilio, o se tasi o nofoaga sili ona ta’uta’ua i Rusia. E tele tagata i Rusia e auai i le Russian Orthodox Church. O i latou o ni Kerisiano, o lona uiga latou te talitonu ia Iesu Keriso, pei o tatou!
I Rusia, o le aso muamua o le aoga e ta’ua o le Aso o le Poto. O tamaiti e pepese, sisiva, ma aumai fugalaau mo latou faiaoga.
O le supo e lauiloa tele i Rusia! O le tama lea o loo ai e ia se supo kapisi e ta’ua o le shchi.
O le tausaga talu ai na faasilasila mai ai e Peresitene Nelson o le a fausia se malumalu i Rusia. Sa matuā fiafia tagata o le Ekalesia i Rusia! O le a avea ma uluai malumalu i lena atunuu matuā telē.
Faafetai mo le asiasia o Rusia ma i ma’ua. Feiloai i se isi taimi!