Autalavou Matutua
Tasi le La’a i le Taimi
Atapue mai le Getty Images
O le Atoatoa e ono taufaamata’u—aemaise lava pe a tatou faia ma tapulaa faatulagaina mo o tatou olaga lē atoatoa. O le uiga o la’u tala, o tagata uma lava e sese i nisi taimi ma salamo i mea sese. E masani lava, o le salamo e mafai ona fesoasoani ia i tatou e fai suiga manaomia, ae afai tatou te faaalu tele le taimi e mafaufau loloto ai i le manaomia ona faia mea lelei tele atu ma amio lelei tele atu, o na manatu e mafai ona faavaivai ai oe. I lana tala i le itulau 44, ua fesoasoani mai ai Nathan ia i tatou e iloa le mea moni lava o le atoatoa ma le auala e mafai ona tatou ausia ai e ala i le ola amiotonu, e tasi si tamai mea i le taimi.
E mafai foi ona foliga mai i le tele o taimi e pei ua tuua toatasi i tatou i la tatou tauiviga e faaleleia atili, ae ua le tuua na o tatou! Ua i ai iinei Tamā Faalelagi ma Iesu Keriso mo i tatou taitoatasi. Afai e iai se taimi lava e te lagona ai ua le lava lou lelei, faitau le tala a Joëlle i le itulau 42 e uiga i le auala na avea ai lona malamalama i le Togiola a le Faaola e fesoasoani ia te ia e faafoia lona faafiaatoatoa.
O le tele o taimi, o le faafiaatoatoa e mafai ona taula’i i mea e pei o le tumamā, e pei o popolega o Amber, pe i vaega o le talalelei, e pei o le tauiviga a Aaron e avea ma se tagata o le Atua (na’o tusiga faatekonolosi uma). Ae e pei lava ona iloa e nei talavou matutua, e mafai pea ona e lagonaina le Agaga ma avea ma se alii po o se tamaitai o le Atua e tusa lava pe e te le atoatoa.
E te manao i nisi tala lelei? O le poloaiga “o lenei, ia atoatoa ona lelei o la outou amio” (Mataio 5:48) atonu e le o lona uiga tonu lena e te mafaufau iai. Faitau le na’o tusiga faatekonolosi a David e aoao ai ni sitepu mo le faafoia o le faafiaatoatoa.
A o tatou taumafai e faaleleia atili, e manaomia ona tatou manatuaina e finagalo le Alii ia tatou musuia ma faagaeetia—ae le o le faanoanoa. E mafai ona tatou matuā faigata lava lo tatou faitionina o i tatou lava (tagai i la’u na’o tusiga faatekonolosi) ae e tatau ona manatua a agalelei ia i tatou lava i la tatou faigamalaga agai i le atoatoa.
Taula’i Atu i le Tamā Faalelagi ma le Faaola. E silafia e i La’ua lou taua faalelagi ma, i le faasologa o taimi, e mafai ona fesoasoani ia te oe e avea o se tagata sili atu nai lo le tagata na iai sou manatu e te ono oo i ai. Tasi le La’a i le Taimi.
Ma le faamaoni lava,
Heather Claridge