Asiasi Elder Rasband i Cape Verde

E malaga Aposetolo faataamilo i le lalolagi e auauna atu i tagata ma aoao i latou e uiga ia Iesu Keriso.

O Elder Ronald A. Rasband ma lona toalua, o Sister Melanie Rasband, sa asiasi atu i Cape Verde. O se atunuu matagofie e maua ai motu e 10 i le talafatai o Aferika.

Sa asia e Elder Rasband se aoga mo tamaiti laiti. O le toatele e leai ni matua e tausia i latou. Sa laina i latou e faatalofa ia te ia. Sa matuā fiafia lava Elder Rasband i lena mea. O Elder ma Sister Rasband e 27 fanau a la fanau!

Sa latou asiasi foi i se faatoaga. O tagata o le Ekalesia o loo aoao e tausi meaituā’olō ma isi manu iina ina ia mafai ai ona lagolagoina o latou aiga.

Sa matuai fiafia i latou e faalogo o saunoa mai Elder Rasband. O le taimi muamua lea na asia ai lo latou atunuu e se Aposetolo!

“E alofa le Atua ia te outou. E alofa le Faaola ia te outou.”

—Elder Ronald A. Rasband

E Mafai Foi Ona Tatou Fesoasoani!

E auina atu tupe e le Ekalesia e fesoasoani i le aoga a tamaiti lea sa asia e Elder Rasband. O le auala lenei e mafai ona e faasoa atu tupe mo tamaiti e pei o i latou!

A totogi lau sefuluai, faaopoopo ma se isi tupe i le teutusi.
Tusi le aofai faaopoopo i le laina o loo faapea mai “Fesoasoani Alofa.”
Faamau le teutusi ma avatu i lou epikopo po o le peresitene o le paranesi.
O le a fesoasoani lau tupe i tagata i soo se mea o le lalolagi i le tele o auala!

E toa fa tamaiti sa foai a latou tupe i le Tupe Fesoasoani Alofa a le Ekalesia. Mulimuli i ata foliga eseese i le ala e vaai ai po o a mea sa faaaoga i ai tupe a tamaiti taitoatasi.

Aoga
Meaai ma fualaau
Nofoafaataavalevale
Fesoasoani i le mae’a ai o lologa po o mafuie