O le Taua o le Maufetuunai
A o ou auauna ai o se peresitene o le misiona i Urukuei mai le 1994 i le 1997, sa masani ona ou faatusaina le galuega faafaifeautalai i le resitala ai lea i ni vasega maualuluga i le kolisi. Ou te ta’u atu ia matou faifeautalai o le auauna i se misiona e pei lava o le faia lea o ni vasega maualuluga i le filifiligā ma le onosai, ma isi uiga auaumama, ia o le a fesoasoani e saunia i latou mo le lumanai e avea o ni taitoalua ma ni matua.
O le mea e leaga ai, o nisi o tagata talavou i le asō e le o saunia mo lesona faigata o le olaga. E le o i ai ia i latou le mea ua ou ta’ua “o le taua o le malosi.” Tatou te vaai i ai i lena leai o se maufetuunai i tagata tausaga muamua i kolisi, i fitafita fou i le militeli, e oo lava i nisi o a tatou faifeautalai faamisiona.
I le avea ai o ni matua, tatou te alolofa ia tatou fanau ma mananao i le mea sili mo i latou. Tatou te manano ia faigofie atu o latou olaga nai lo o le mea sa i ai o tatou olaga. Ae atonu ua tatou—faapea o le aganuu o loo tatou ola ai—faia nisi o mea o loo taunuu ai i le taunuuga e le i faamoemoeina lea o le faaitiitia o lo latou malosi.
O le mea e faafetai ai, o loo i ai se vaifofō. O loo maua lea i le faaaogaina o mataupu faavae mamana o le talalelei ia e mafai ona fesoasoani ia tatou talavou e avea sili atu faapei o le Faaola (tagai i le Luka 2:52). A o tatou opoopo mai ma faaaoga nei mataupu faavae, ia ou te talanoaina e amata atu i le itulau 12, ou te talitonu o le a faamanuiaina i tatou e le Alii e faamalolosia alii talavou ma tamaitai talavou ua Ia faasaoina e feagai ai ma faafetaiaia luitau o le asō.
Elder Lynn G. Robbins
O le Fitugafulu