’Ua here Iesu i tā tātou mau tamari’i

E rave rahi taime tō’u ferurira’a i te mau tamari’i. E mea au nā’u te mau tamari’i i roto i tō’u mau fēti’i ’e te mau hoa. Hau atu, nā roto i tā’u ’ohipa nō te mau ve’a a te ’Ēkālesia, e hāmani ’e e pāpa’i au i te tahi mau ’api nā te mau tamari’i ’ati a’e i te ao nei. ’A piti a’e rā matahiti, ’ua puta mai i roto i tō’u ferurira’a ē, ’aita vau i tuatāpapa a’enei i roto i te mau pāpa’ira’a mo’a nō ni’a i te mau tamari’i. Nō reira, ’ua fa’aoti au e tai’o i te Faufa’a ’Āpī ’e te Buka a Moromona ma te hi’o ta’a ’ē e aha tā’u e nehenehe e ’apo mai nō ni’a i teie pupu ta’ata iti.

’Ua taui roa tō’u orara’a i te reira ’ohipa. I roto i te mau parau mau tā’u i tāpe’a mai, te mea hau roa a’e, ’o te māramaramara’a rahi atu ā ïa nō te ha’apa’ora’a Iesu i te mau tamari’i. ’Ua tāvini ’oia ia rātou ’ei pupu ta’a ’ē, ta’a ’ē i te tahi atu mau ta’ata, fa’ahou ’e fa’ahou ā. Nāhea tā tātou e nehenehe ai e pe’e i tōna hi’ora’a ?

Tē fa’a’ite nei tā’u parau ve’a i te ’api 18 i te tahi o te mau ha’api’ira’a tā’u i ’ohi haere mai i roto i terā ’ohipa tuatāpapara’a pāpa’ira’a mo’a, ’āpitihia e te mau mana’o ’e te mau parau a te feiā tōro’a i roto i te āraira’a hāmani-’ino-ra’a.

E mea faufa’a roa ho’i te mau tamari’i. Maita’i ē e ti’a ia tātou ’ia ’ohipa ’āmui nō te pāruru ’e nō te ha’apūai ia rātou, nō te rave ia rātou mai tā Iesu e nā reira.

Ma te here,

Marissa Widdison