Nō roto mai i te Peresidenira’a Mātāmua
Te herera’a ia vetahi ’ē mai tā Iesu e here ia tātou
Nā te peresideni Dallin H. Oaks
Tauturu mātāmua i roto i te Peresidenira’a Mātāmua
Nō roto mai i « Te herera’a ia vetahi ’ē ’e te orara’a i roto i te ta’a-’ē-ra’a », Liahona, Nov. 2014, 25–28.
’Ua hōro’a Iesu i tāna mau pipi i te hō’ē fa’auera’a rahi : « ’Ia aroha ’outou ia ’outou iho, mai iā’u e aroha atu ia ’outou na » (Ioane 15:12). Tātou te feiā ’āpe’e i te Mesia, e ora hau noa tātou ’e te ta’ata. ’Oia ato’a ïa te mau ta’ata ’aita e ti’aturi nei mai ia tātou nei.
Teie te tahi mau rāve’a e ti’a ai ia tātou ’ia here i te ta’ata mai tā te Fa’aora e here ia tātou :
-
Hāmani maita’i i te ta’ata e ’ere mai ia tātou.
-
Fa’a’ite i te fa’atura nō tō rātou mau ti’aturira’a.
-
’Eiaha roa atu e rave ’ino ’aore rā e parau ’ino i te ta’ata.
-
’Ia riro ’outou ’ei ta’ata fa’aro’o maitai.
-
’Ia vai noa te peu maita’i. ’Eiaha e mārō ma te riri rahi.
-
’A ti’a nō te parau mau.
-
Fa’a’ite i te ta’ata nō ni’a i te ’evanelia ma te ha’eha’a. « ’Ia [parau] i te parau mau ma te aroha » (Ephesia 4:15).
E mea pāpū ē, tā tātou tītaura’a rahi roa a’e, ’o te fa’auera’a ïa a te Fa’aora ’ia aroha te tahi i te tahi mai iāna i aroha mai ia tātou. Tē pure nei au ’ia ti’a ia tātou ’ia fa’a’ite i te here i roto i te mau mea ato’a tā tātou e rave.