Feiā ’āpī
Hōho’a nā Leslie Nilsson
E mea moni te mau niuniu ’āfa’ifa’i i Tīreni, ’ua ha’amau rā vau i te hō’ē fā i te matahiti 2016 e ’āpī i te moni nō te ho’o mai hō’ē. Nō te hō’ē matahiti tā’āto’a, ’ua ho’o fa’arahi mai au i te monamona ’e te mau alfajores* ’ei reira vau e ho’oho’o atu ai i tō’u mau hoa i te fare ha’api’ira’a. ’Ua fa’aherehere au i te moni ato’a i noa’a mai. ’Aita vau i tāmā’a i te avatea, ’e ’aita vau i haere i te fare teata.
’Aita vau i hina’aro e ani i tō’u nā metua i te hō’ē niuniu. ’Ua hina’aro vau e parau nā’u iho i ho’o mai i te reira. ’Ua fa’aitoito tō’u pāpā iā’u. E parau mai ’oia : « Haere Carol, fa’aitoito.
’Ua rahi te mau ha’api’ira’a tā’u i ’apo mai. ’Aita e tauiha’a hōro’a noa. Tītauhia ’ia fa’aitoito nō te mau fā, ’eiaha rā tātou e fa’aru’e noa atu. ’Ia ’āpī tātou i te mau mea ’e ’ia ’ite tātou i te tauto’ora’a rahi ’ia noa’a mai te reira, e ha’afaufa’a rahi atu ā tātou i te reira.
’Ua ’apo mai au ē, nā’u e fa’aoti e aha tā’u e hina’aro e fa’aoti ’e i hea vau e haere ai. Mai te mea ’ua hina’aro vau e fa’aipoipo i roto i te hiero, tītauhia ’ia haere au i te purera’a ’e i te séminaire ’e i muri iho i te institut ’e i te mau fa’a’oa’oara’a feiā ’āpī pa’ari ’ōtahi. ’E tītauhia ’ia arapae au i te mau taure’are’a tamāroa ti’amā. Nō te tāpae i te mau fā, tītauhia ’ia fa’atusia i teienei nō te hō’ē mea maita’i a’e i muri mai.
Carol, 15 matahiti, Tīreni