Fa’a’ite ’e parau

Teie te ’āva’e nō te ’āmuira’a rahi ! Teie te tahi mau mea tā te mau tamari’i e au nō ni’a i te ’āmuira’a.

Abel C. ’e Tina S., 10 matahiti ’e 9 matahiti, Bong County, Liberia, e taea’e ’e e tuahine rāua. E mea au nā Abel te ’āmuira’a « nō te mea ’o te taime te reira e pāturu tātou i tō tātou peropheta ’ei Peresideni o te ’Ēkālesia, i te mau matahiti ato’a. » Nō Tina, « e mea au nāna ’ia paraparau mai te peropheta nō ni’a i te mau peropheta. »

Anna B., 10 matahiti, Maharashtra, Inidia, tei māta’ita’i i te ’āmuira’a ’e tōna māmā. E ’āfa’i mai ’oia i tāna buka ’ā’amu ’e tāna mau penitara i te mau ’āmuira’a ato’a nō te pāpa’i i te mau ’itera’a pāpū ’e te mau poro’i tāna e fa’aro’o.

David ’e Juliana M., 4 matahiti ’e 6 matahiti, South Holland, Holane, tei fa’a’ī 15 ’āu’a i te monamona ’e tei tu’u i hōho’a nō te hō’ē ’āpōsetolo ’aore rā te hō’ē melo nō te Peresidenira’a Mātāmua i ni’a i te reira. ’Ia paraparau mai hō’ē o te mau taea’e, e ’amu rāua i te mea i roto i te ’āu’a !

E mea au nā’u ’ia fa’aro’o i te peropheta nō te mea tē paraparau nei te Fatu nā roto iāna.

Andrés C., 12 matahiti, Valle del Cauca, Colombia

E mea au nā’u ’ia māta’ita’i i te ’āmuira’a nō te mea e mea au nā’u ’ia ’apo i te ha’api’ira’a mai roto mai i te mau peropheta, ’e e mea au nā’u ’ia haere e tō’u ’utuāfare.

David J., 9 matahiti, Sololá, Guatemala

E mea au nā’u ’ia fa’aro’o i te mau ’ā’amu ’e i te pupu hīmene. E mea au ato’a nā’u ’ia fa’aro’o i te mau parabole tā rātou e hōro’a mai.

Yuri H., 8 matahiti, Taoyuan, Taiwan