Mau hōho’a nō te fa’aro’o
Wilson Di Paula
San José, Uruguay
’Ua pēpē maita’i ’o Wilson i roto i te hō’ē ’ati mōtō, ’e ’ua paruparu roa tōna tino. Hō’ē matahiti i muri mai ’ua fa’aru’e mai tāna vahine. Teie atura ’o Wilson, e tō’ivi ’e e piti tamahine iti, ’aita i ta’a e aha tē rave. ’Ua fē’a’a a’era ’oia e tumu ānei tō te orara’a. E nehenehe tā Wilson e fa’atupu i te mana’o maramara. ’Aita rā, ’ua ha’amata ’oia i te ’imi i te parau mau.
Cody Bell, ta’ata pata hōho’a
I muri mai i tō’u ’ati mōtō ’e te mo’era’a tā’u vahine, teie atura vau ’e e piti tamāhine iti e aupuru. ’Aita vau i ta’a e aha tā’u e rave nō te aupuru i tā’u nā tamāhine, ’o vau ho’i i roto i te pārahira’a tūra’i. ’Ua taui roa tō’u orara’a i teie ’ohipa.
E rave rahi uira’a tā’u. Nō te aha te mau ’ohipa ’ino e tupu nei ? Tē fa’aitoito ra vau e rave i te mau mea tano, ’e ’ua ravehia tā’u vahine mai iā’u nei ’e ’o vau ana’e atura i roto i teie pārahira’a tūra’i, i muri iho tītauhia ’ia tāpū i te upo’o o tā’u tamāhine nō te hō’ē pūpu’u (tumeur). ’Ua ha’amata a’era vau i te fē’a’a ē ’aita e tumu tō te orara’a.
’Ua tae mai te mana’o ē, tītauhia ’ia ’ite au i te parau mau. ’Ua tuatāpapa vau e rave rahi ha’apa’ora’a fa’aro’o ’e ’itehia mai nei iā’u Te ’Ēkalesia ʼa Iesu Mesia i te Feiā Mo’a i te Mau Mahana Hopeʼa nei. ’Ua puta mai i roto iā’u ē, ’o te parau mau.
’Ua ha’api’i mai au ē, e orara’a i muri mai i teie, ’e ’ia pohe tātou, e nehenehe tā tātou ’ia ’āmui i te feiā i herehia. ’Ua fa’atae mai te reira i te ’oa’oa nō nā matahiti e 10 tā’u i ora e tā’u vahine.
Maoti tō’u ’itera’a i te ’evanelia, ’ua taui tō’u orara’a i te mau mea ato’a. Ha’amata a’era tō’u mana’o hau ’e te ferurira’a hau. ’Ua ō mai te poupou i roto i tō’u ’utuāfare ’a haere ai mātou i te purera’a i te mau sābati ato’a. E ho’i mai mātou ’e ’ua ha’apūaihia mātou. ’Ua bāpetizohia mātou ’e i te hope’a ’ua tā’atihia nō te tau mure ’ore i roto i te hiero i Rāparata.
I teienei, tē tāmau noa nei au i te haere i mua i roto i te ’Ēkālesia. ’Ua tāvini au ’ei tauturu i roto i te ’episekōpora’a, ’e tē tāmata nei au i te ’apo i te ha’api’ira’a mai roto mai i te mau ’ohipa ato’a e tupu i ni’a iā’u, mai roto mai i te mau tāmatara’a ato’a o te orara’a. E hōro’a mai te reira i te pūai iā’u. Nō tō’u pārahi-noa-ra’a i roto i te hō’ē pārahira’a tūra’i ’ua hau i te 20 matahiti, ’ua ha’api’i mai au ē, nō roto mai te pōpou i te ’a’au. E ha’api’i rahi atu ā te hō’ē ta’ata i te mau mahana ato’a. E mana’o māuruuru tō’u nō te reira.
I teienei ’ua ’ite au ē, e tumu tō te vaira’a i ni’a i te fenua nei. Tei ’ō nei tātou ’ei tuha’a nō te fa’anahora’a mure ’ore a te Metua i te Ao ra. E Fa’aora tō tātou tei upo’oti’a i ni’a i te pohe ’e tei ti’afa’ahou mai. Nō tō’u ’itera’a i te reira, e noa’a mai te pūai. I teienei, tē tūtava nei au ’ia fa’aitoito ’e ’ia tāmau noa i te haere i mua. E fā tā’u ’e ’ua ’ite au ē, ’a tāmata ai au i te ora i te orara’a ti’amā, e roa’a tō’u ’utuāfare mure ’ore.
Noa atu ā te mau tāmatara’a tā Wilson ’e tāna tamāhine ’o Sofia e fa’aruru nei, tē hōro’a nei te ’evanelia ia rāua i te hau, te ’oa’oa ’e te pūai. ’Ua ora ’o Sofia ’e tōna metua tāne mai tōna tāpūra’ahia. Tē ’ite nei Wilson i te ’oa’oa i roto i te tāvinira’a i roto i te ’Ēkālesia.
’Ua ’aravihi roa mai ’oia nō te tunu i te mā’a ’a hāhaere ai ’e tāna pārahira’a tūra’i nā roto i te fare tūtu, mai te taime ’a paruparu ai tōna tino i terā ’ati.
Tē ’ite nei Wilson i te tīa’ira’a ’e te pūai i roto i te Fa’aora ’a tuatāpapa ai ’oia i te mau pāpa’ira’a mo’a.
’Ua ’āmui mai te mau misiōnare i te ’utuāfare Di Paula nō te tāmā’a. ’Ua riro te here o Wilson nō te ’evanelia ’ei pūai i roto i tōna ’utuāfare ’e nō te ’Ēkālesia.
I muri mai i te hō’ē ’ati purūmu ’e te pohe o tāna vahine, ’ua uiui te mana’o o Wilson nō ni’a i te tumu o te orara’a. ’Ua ’itehia mai iāna te tumu i te ’itera’a mai ’oia i te ’evanelia a Iesu Mesia.
’Ua ’itehia mai ia Wilson ’e Sofia te tīa’ira’a i roto i te ’evanelia. ’Aita te pārahira’a i roto i te pārahira’a tūra’i ’ua hau i te 20 matahiti i tāpe’a ia Wilson ’ia tāvini fa’ahiahia mau.
Tē fa’a’ite nei te mata ’ata’ata o Wilson i te ’īra’a pae vārua i roto i tōna orara’a. « Nō roto mai te poupou », tē nā ’ō ra Wilson. « E ha’api’i rahi atu ā te hō’ē ta’ata i te mau mahana ato’a ».
’A tāmā’a ’āmui ai rātou ’e te mau misiōnare, ’ua hau atu i te mā’a tā te ’utuāfare Di Paula e hōro’a ia rāua, tē hōro’a nei rāua i tō rātou here ’e te māuruuru nō te ’evanelia.