Tei te hō’ē noa pure te ātea
’Ua taiā ri’i Prodi e ho’i e ta’oto. ’E mai te mea e ta’oto rereioa fa’ahou ’oia ?
« E pure, tei reira ’oia » (Children’s Songbook, 12).
’Ua pārahi tā’ue mai Prodi i ni’a i tōna ro’i. Tē ’ōtu’itu’i pūai ra tōna māfatu.
Tē pātītī ra te ua i ni’a i te tāpo’i fare ’a pārahi ai ’oia i roto i te pōiri. E fa’aro’o roa ’oia i te pape tē tōpata ra mai ni’a i te tumu suke nō Afirika i rāpae i tōna ha’amāramarama, e mea haumi te mata’i ’e te ve’ave’a. Huti ri’i a’era Prodi i te mata’i ’e tāmata a’era i te tāmarū iāna. ’Ua ta’oto rereioa ’oia.
’Ua fa’ahe’e mai ’oia i raro i tōna ro’i ’e fā’ao a’era i roto i te piha o tōna nā metua. Tē ta’oto hau noa ra māmā ’e pāpā. Tē viri’ō ato’a ra tōna tuahine iti, ’o Célia, i roto i tōna ro’i. ’Aita hō’ē a’e fifi. ’Aita tōna ’utuāfare e pe’ape’a ra.
’Ua pa’uma Prodi i roto i tōna ro’i nō te tāmata i te ta’oto fa’ahou. Tāviriviri ’oia ē tāviriviri fa’ahou ā. ’Ua ’ite ’oia e moemoeā noa, e mea huru ri’ari’a rā ! Noa atu ā tōna rohirohi, ’ua ri’ari’a ’oia i te ta’oto fa’ahou ā. ’E mai te mea e ta’oto rereioa fa’ahou ’oia ?
Tārava a’era Prodi i ni’a i te tua ’e hi’o noa a’era i te aroaro. ’Ua tāmata ’oia i te feruri i te tahi mau mana’o ’oa’oa. « E te Metua i te Ao ra, tō reira ānei ’oe ? Tē fa’aro’o ’e tē pāhono ra ānei ’oe i te pure a te tamari’i tāta’itahi ? » Ro’ohia mai nei Prodi i te tahi tāmāhanahanara’a ’a feruri ai ’oia i te mau parau nō teie hīmene paraimere au nōna. ’Ua ha’api’i te tuahine Kioska ia rātou ē, tē hi’o noa mai ra te Metua i te Ao ra ia rātou. E nehenehe tā rātou e pure iāna i te mau huru taime ato’a, i te mau huru vāhi ato’a.
’Ite a’era Prodi e aha tē rave. Pou mai nei ’oia i raro i tōna ro’i ’e tūturi a’era nō te pure.
« E te Metua i te Ao ra, ’ua ri’ari’a roa vau », ’o tāna ïa pure. E pāruru na ’oe i tō’u ’utuāfare. ’E e tauturu ato’a mai na ’oe iā’u nō te ta’oto, ’eiaha vau e ta’oto rereioa fa’ahou ā. »
Fa’aoti atura Prodi i tāna pure ’e pa’uma a’era i ni’a i tōna ro’i. ’Ua marū tōna tino ’e ’ua hau tōna mana’o. Ē ’aita i maoro roa, tē ta’oto ra ’oia.
’Ia po’ipo’i a’e, ’ua ti’a mai Prodi ma te hihi mahana nā roto i te ha’amāramarama. ’Ua fa’aro’o ’oia i te ta’i pāni i roto i te piha tūtu, haere a’era ’oia, ’o māmā. Tei ni’a Célia i te ’aira’amā’a, tē ’amu ra i te toe’a maniota. Tē tāhana ra māmā i te tahi nāna.
« ’Ia ora na », ’ua parau atu māmā. « ’Ua ta’oto maita’i ’oe ? »
« E ta’oto rereioa ri’ari’a mau tā’u », ’ua parau atu Prodi. « ’Ua pure rā vau. ’Ua tauturu mai te Metua i te Ao ra iā’u e fa’ahau i tō’u mana’o. »
« ’Ē ’ē, ’ua ta’oto rereioa ïa ’oe », te parau ïa a māmā. Rave a’era ’oia ia Prodi i roto i tōna rima ma’a taime huru roa. « ’Ua ’oa’oa rā vau ’ua fa’aoti ’oe i te hō’ē pure. ’Ia fa’aro’o vau ia ’oe, ’ua tauturu mau te Metua i te Ao ra ia ’oe. »
« ’E ’ua nā reira ’oia », parau maira ’o Prodi. « ’Ua topa fa’ahou tō’u ta’oto, ’e ’aita fa’ahou vau i ta’oto rereioa. » ’Ua tāpe’a pūai Prodi ia māmā i roto i tōna rima. ’Ua ’oa’oa ’oia i te ’ite ē, noa atu ā tōna mana’o ri’ari’a, tei hō’ē noa pure te Metua i te Ao ra iāna.