Te tere o Elder Stevenson i Tīreni

E tere te mau ’āpōsetolo ’ati a’e i te ao nei nō te tāvini i te ta’ata ’e nō te ha’api’i ia rātou nō ni’a ia Iesu Mesia.

’Ua tere ’o Elder Gary E. Stevenson ’e te tuahine Lesa Stevenson nā muri i te peresideni Russell M. Nelson ’e te tuahine Wendy Nelson i te fenua Tīreni nō te hō’ē ’ōro’a faufa’a rahi. E ha’amo’ahia te hō’ē hiero ’āpī i te ’oire nō Concepción !

’Ua riro teie hiero ’āpī ’e te nehenehe i te piti o te hiero patuhia i Tīreni ’e ’o te 18ra’a o te hiero i Amerika Apato’a.

E rave rahi ’āueuera’a fenua i Tīreni. E niu ta’a ’ē tō te hiero nō Concepcion (Tīreni) ’ia ’ore te reira e pēpē i te mau ’āueuera’a fenua.

’Ua tauturu ’o Laura ’e Alicia O. ’ia tu’u i te ’ōfa’i hope’a i rāpae i te hiero. E parauhia te reira te ’ōfa’i tihi o te hiero. I muri iho ’ua ineine te hiero nō te ha’amo’ara’a.

’Ua haere mai te mau tamari’i ’e tō rātou metua nō te fa’aro’o i te peresideni Nelson e hōro’a i te hō’ē pure ta’a ’ē nō te ha’amo’a i te hiero.

I teienei, e ti’a i te mau melo ti’amā nō Te ’Ēkalesia ʼa Iesu Mesia i te Feiā Mo’a i te Mau Mahana Hopeʼa nei ’ia tomo i roto ’ia tā’atihia rātou i tō rātou ’utuāfare ’e nō te tāvini i te ravera’a i te mau bāpetizora’a hiero !

Teie tā Elder Stevenson i parau nō ni’a i te ha’amo’ara’a :