« Nāhea vau e ʼite ai i te mau hoa e mau peu maitaʼi tā rātou? »

’O te hāmani maita’i te mea faufa’a rahi

’A fa’a’ite ia rātou i te here ’e te hāmani maita’i. ’A fa’a’ite atu ē, tē ha’apa’o nei ’outou ia rātou ’e i tō rātou ’oa’oa. Mai te mea ’aita rātou e fa’a’ite mai tē ha’apa’o ra rātou ia ’outou ’e e ’ere rātou i te mea hāmani maita’i, e’ita paha ’outou e tāmau ā i te reira fa’ahoara’a.

Madi B., 15 matahiti, Arizona, Marite

Ora i tā ’outou mau fa’aturera’a

’A fa’a’ite i te hi’ora’a maita’i nō te orara’a i tā ’outou mau fa’aturera’a. ’E mai te mea e mau hoa tō ’outou ’aita tā rātou e mau fa’aturera’a mai tā ’outou, ’a fa’a’ite atu ia rātou ē, e mea ta’a ’ē rātou i te mata o te Atua. ’Ua here Iesu i te mau ta’ata ato’a ’e ’ua ha’api’i ’oia ia rātou ’ia pe’e i tōna mau haere’a.

Bernard B., 19 matahiti, Palawan, Firipino

Fa’a’ite i te ’evanelia

E nehenehe tā ’outou e ’imi i te tahi mau hoa ’āpī ma te peu maita’i nā roto i te haerera’a e ha’api’i nā muri i te mau misiōnare. ’Ua mātau rātou i te tahi mau taure’are’a tei hina’aro i te hō’ē hoa i roto i te ’Ēkālesia.

Elder Quintanilla, 20 matahiti, Misiōni nō Barbados Bridgetown

Pure nō tō ’outou mau hoa

Tē pure rahi nei au nō te ’ite ē, ’o tō’u mau hoa ānei te mau hoa ti’a ’o tē nehenehe e tauturu iā’u ’ia fa’ateitei i tā’u mau fa’aturera’a ’e tō’u ’itera’a pāpū nō Iesu Mesia.

Imanol M., 18 matahiti, Chihuahua, Mehiko

E tauturu te Atua ia ’outou

’Ua ’ite mai au ē, mai te mea e haere atu vau nō te ’imi i te mau ta’ata e fa’a’ite i te māramarama nō te Mesia, e ’ohipa ta’a ’ē roa ïa i te reira taime. ’Ua ’ite te Metua i te Ao ra i tō ’outou mau hina’aro, ’e ’ia rave ’outou i tā ’outou tuha’a, ’ei reira ’oia e pāhono ai i te reira mau pure.

Olivia T., 18 matahiti, Utah, Marite