E te mau metua here ē,

Hō’ē o te mau poro’i rahi o te Faufa’a ’Āpī, ’oia ho’i ïa, e nehenehe tā tātou e ’ite mai i te hau ’e te ’oa’oa, noa atu ā te huru o tō tātou orara’a. Tē hōro’a nei te ve’a o teie ’āva’e i te hō’ē ’itera’a pāpū mai te reira.

• I te ’api H4, ’ua tāmarūhia te hō’ē tamāroa i muri mai i tāna ta’oto rereioa.

• I te ’api H8, ’ua fa’aha’amana’ohia i te hō’ē tamāhine e ma’i toromotoma hau tōna ē, ’ua here te Metua i te Ao ra iāna.

• I te ’api H15, tē ha’api’i nei te hō’ē hōho’a pia ē, e ti’a te mau mea ato’a maoti te tauturu o Iesu Mesia.

• I te ’api H20–23, tē fa’a’ite nei Paulo i te hi’ora’a nō te fa’aro’o.

’A tai’o ’āmui ai ’outou i teie ve’a, ’a ’imi i te mau rāve’a Iesu ’e te Metua i te Ao ra tauturura’a i te ta’ata i roto i te ’ā’amu tāta’itahi. E nehenehe tā ’outou e rēni nā raro a’e i te mau ta’o e fa’a’ite i te mau tāmatara’a tā rātou i fa’aruru. ’Ei reira e ha’amenemene i te mau ta’o e fa’a’ite i te tauturu tā rātou i fāri’i. ’Ei ’utuāfare, ’a paraparau nāhea te mau tāmatara’a e tātarahia nei i te tahi taime, ’e i te tahi atu taime, i te ha’apūai ia tātou nō te fa’aruru i tā tātou mau tāmatara’a. Te hō’ē rāve’a ānei ’aore rā te tahi, ’ua here Iesu ’e te Metua i te Ao ra ia tātou ’e tei reira rāua nō tātou !

Maita’i ē e ’oa’oa ’outou i teie ’āva’e,

Te Hoa

• Tāpura

  • Te herera’a ia vetahi ’ē mai tā Iesu e here ia tātou

  • Tei te hō’ē noa pure te ātea

  • ’Ia ora na mai te Rēpupirita manahune o Tōneto atu !

  • ’Aita vau i hina’aro e hi’o ta’a ’ē !

  • Mau ’āpōsetolo nā te ao nei

    : Te tere o Elder Stevenson i Tīreni

  • Mau ’āpōsetolo nā te ao nei

    : ’Ua fārerei Elder Renlund i te mau tamari’i

  • Te tāupo’o ’uo’uo nō Florence

  • E tāmau ānei au i te tai’o ?

  • Mana’o māramarama

    : E ti’a iā’u te mau mea ato’a nei i te Mesia

  • Te ’ōpuara’a e haere i te hiero

  • Fa’a’ite ’e parau

  • Mau hi’ora’a itoito :

    Tāvini i te Fatu nā roto i te reo pāniora

  • Mau ’ā’amu nō te pāpa’ira’a mo’a

    : Te tere misiōnare o Paulo

  • ’Api pēnira’a

    : E ti’a ia Iesu ’ia tauturu iā’u ’ia rave i te mau mea pa’ari

Nāhea i te hāpono mai i te ’ohipa anoihi ’aore rā te ’ohipa i tupu nō tā ’outou tamari’i i te Liahona

Haere i ni’a ia liahona.ChurchofJesusChrist.org ’e tāumi « Submit an Article or Feedback ». ’Aore rā e hāpono rata uira mai i te [e-mail] nā reira ato’a te i’oa o te tamari’i, tōna matahiti, te vāhi fa’aeara’a ’e teie parau fa’ati’a : « ’O vau, [tu’u i tō ’outou i’oa], tē fa’ati’a nei au i Te ’Ēkālesia a Iesu Mesia i te Feiā Mo’a i te mau Mahana Hope’a nei ’ia fa’a’ohipa i te mau mea i hāpōnohia atu nō ni’a i tā’u tamari’i i roto i te mau ve’a a te ’Ēkālesia, i ni’a i te mau tahua natirara a te ’Ēkālesia ’e i ni’a i te mau tahua rāve’a ha’apararera’a ato’a. » Maoro noa mātou i te fa’aro’o ia ’outou !