’Ia ora na mai te Rēpupirita manahune o Tōneto atu !

’Ia ora, ’o Margo ’e Paolo māua !

Tē tere nei māua nā te Rēpupirita manahune o Tōneto, ’aore rā te D. R. Congo.

Tei Afirika rōpū te D. R. Congo. Fātata e 80 mirioni ta’ata e ora ra i’ō.

Te pae rahi nō D. R. Congo, e uru rā’au me’ume’u maita’i ïa. E fare te reira nō te mau ’animara huru rau, mai te elephani, te ’ūrī ta’ata tōrī ’e te re’ema (rhinocéros). Teie ’animara, e okapi.

’Ua mātauhia te D. R. Congo nō tōna anoihi ’e te hīro’a tumu nehenehe, mai te mau ti’i rā’au, te mau ’ete firi ’e te mau ha’amehameha.

’Ua ha’amata te mau misiōnare o tā tātou ’ēkālesia e ha’api’i i te ta’ata nō D. R. Congo i te matahiti 1986. I teienei, e 60 000 ta’ata i roto i Te ’Ēkālesia a Iesu Mesia i te Feiā Mo’a i te mau Mahana Hōpe’a nei.

I D. R. Congo, e paraparau te rahira’a o te mau ta’ata i te reo farāni i te purera’a. ’O te reo mana te reira o te fenua. Terā rā, tē vai nei fātata e 250 fa’ahou reo tei parauhia i D. R. Congo !

I teie matahiti, ’ua noa’a te hiero mātāmua nō D. R. Congo ! ’Ua ’ana’anatae roa te mau melo o te ’Ēkālesia i te hiero i tō rātou fenua.

Māuruuru nō te haerera’a mai nā muri ia māua i D. R. Congo. ’A pārahi !

Teie te tahi mau hoa nō māua i D. R. Congo !

« I te hō’ē sābati, ’ua pu’e noa te mau fa’ehau ’e ’ua parau mai tō’u nā metua ē, e fifihia nō te haere i te purera’a. ’Ua parau vau i tō’u nā metua ē, e haere mātou i te purera’a ’ōro’a a’e. ’Ua fa’a’ite ’āmui mātou i tō mātou fa’aro’o ’e ’ua haere mātou i te purera’a nō te fa’atura i te mahana o te Fatu ».

Prodi K., 7 matahiti, Kinshasa, Rēpupirita manahune o Tōneto

« E mea au nā’u e tauturu i te ta’ata. I te hō’ē mahana, e mata ’oto tō te hō’ē tama i te hora fa’afa’aeara’a i te ha’api’ira’a nō te mea ’aita tāna e mā’a. ’Ua haere atu vau iāna ra ’e ’ua ’ōpere atu vau i te mā’a tā’u i ’āfa’i mai.

Célia Tshidibi K., 5 matahiti, Kinshasa, Rēpupirita manahune o Tōneto

E ta’ata ānei ’oe nō Congo ? ’A pāpa’i mai ia māua ! E au roa māua ’ia fa’aro’o atu ia ’outou. Hi’o i te ’api H24.