200 Ririki n Oota
N te bong ae tamaroa, ae itiaki 200 te ririki n nako, te ataeinimwaane e rinnako n te buakonikai ma te kantaninga bwa e na ukoukora kabwaraan ana bure ao n tataro ibukin te ekaretia ae riai ni kainna. Man te mii ni burabeti ae kamimi aei, e reiakinna bwa e na aki kaina teuana mai ibuakoia. Ngaia are e a kanikinaea moan Kaokan Ana euangkerio Iesu Kristo—te waaki are e reitinako ni karokoa ngkai.
Inanon te beeba ni kaongora aei, ti bukamarua te ka 200 n ririki te ota:
-
E reirei Beretienti Russell M. Nelson bwa e kanga ikotakin Iteraera n iteran te rabuna ake uoua ni kona ni katauraoira ao tabeman ibukin Kauaokin te Tia Kamaiu (iteraniba 6).
-
E kaotia Unimwaane LeGrand R. Curtis Jr. aroia Aika Itiaki n ibuobuoki nakon te mwakuri ae reitinako ibukin Kaokan Bwaai—ao ti na kanga ngaira n tatabemaniira ni kona n ibuobuoki (iteraniba 18).
-
Ibukiia kairake, Unimwaane Neil L. Andersen e tibwauai nimaua koaua aika ti kona n reiakin man te Moa ni Mii ni Burabeti (iteraniba 52).
Ngkai ti reirei man aia taeka ara burabeti ao aia karaki Aika Itiaki aika kakaonimaki, au kantaninga bwa ti kona n roko nakon te aeka n atatai ae karaoia te Burabeti Iotebwa n 200 te ririki n nako: ae Tamara are i Karawa ao Iesu Kristo a bon koaua, aomata aika maiu aika a tangiriira. Ao ti a tibwaua te atatai anne ma raoraora ao kaain rarikira.
Raomi ni Koaua,
Unimwaane Randy D. Funk man te Itingaun
Eteta n Ana Maekatiin te Ekaretia