Mauri man te Buakonikai ae Tabu!

Mauri, ngaira bon Margo ao Paolo.

Te namwakaina aei, ni bukamarua Kaokan Bwaai, ti nakon te tabo are e riki iai te Moan Kaotioti 200 te ririki n nako!

Ngke 14 ana ririki Iotebwa Timiti, e maeka n te auti ae karaoaki man te kai i New York, USA. Iai niman tarina ao teniman mwanena. E ongotaeka irouia ana karo ao n iraorao nakoia tabeman. E wareka te Baibara ma ana utu, ma aki nako nakon te Ekaretia ae ti teuana.

Iotebwa bon te tia mwakuri ae marurung. E ibuobuoki ni koroi kaai bwa aonga ana utu n uniki kaai n amwarake. E buokiia naba ana utu n rikoi ranin uaa ni kai man kaai aika maple ni karaoa te tioka.

Iotebwa e tangiria ni kakaea te aro ae titebo ma are n te Baibara. N te bong teuana e nakon te buakonikai ao e tataro. Tamara are i Karawa ao Iesu a kaoti nakoina. A tuangnga ae a bwara ana bure. A taekinna naba bwa a na akea te ekaretia ae e na kaainna. N te tai ae waekoa ana Ekaretia Iesu e na kaokaki!

A mwaiti aomata aika a bwainingarea Iotebwa ibukin te bwai ae e noria. A taku bwa e a bon karioi n ana iango. Ma Iotebwa e teimatoa n taekina te koaua. E taku, “I ataia, ao I ataia bwa te Atua e ataia, ao I aki kona ni kaakea” (Iotebwa Timiti—Rongorongo 1:25).

N te bong aei, aomata a kona ni kawara te tabo are e tataro iai Iotebwa. E tikiraoi ao e rangi n n rau.

A maeka ataei aikai n te tabo are e ikawai rake iai Iotebwa Timiti!

I ataia bwa te Buakonikai ae Tabu bon te tabo ae onoti ibukina bwa te tabo ae tataro iai Iotebwa Timiti ao n nora Tamara are i Karawa ao Iesu ikekei.

Piper D., ana ririki 5, New York, USA

I rangi ni kakaitau bwa ti maeka ni kaan ma mweengan Iotebwa Timiti. I tangiria n nakon Grandin Building ma te tabo ni boreeti. I tangiria n nora te tabo are a moanboretiia iai Ana Boki Moomon.

Roscoe B., ana ririki 9, New York, USA

Ko rabwa ibukin neweabakin te Buakonikai ae Tabu ma ngaira. Tiabo rimwi!

Tamneia ataeinimwaane iroun Julie Poulson; te kamataata n te tamnei iroun Katie McDee