Katamaroan Are Ti Rinanona n te Tembora

Man te Moan Beretitentii

“Ae moan te kakaawaki ni Kaokan Bwai bon te tembora are tabu. Ana otenanti aika tabu ao berita aika tabu a rangi ni kakaawaki n katauraoaia aomata ake a na tauraoi ni butimwaea te Tia Kamaiu ni Kaua Okina”¹

N te tai teuana ma teuana, te Moan Beretitentii e karaoi bitaki nakon kunnikain te tembora ao aron te waaki bwa e aonga n tamaroa riki are a rinanona membwa ao ni buokiia ni kabane ake a rin n namakina riki te reitaki ae abwabwaki ma te Atua inanon tabo aika tabu aikai.

Bwa mwakoron are a rinanona n te tembora, membwa a karin kunnikai ibukin karaoan mwakuri aika tabu n reitaki ma reirei ao banna aika kakaawaki ake a kona n noraki n te nebonebo n te tembora n te O Tetemanti (taraa Nakoaia Ibonga 8 ao Te Otinako 28).

A tia ni karaoaki tabeua bitaki nakon kunnikain te tembora. Bitaki aikai tiaki nanona bwa iai bitaki nakon banna ke reirei n te tembora ma oia raoi bon karikan te waaki n te tembora bwa e na bebete, kamwengaraoi, ao e na tauraoi man karaoan kunnikai bwa a na tau raoi, kona n tararuaaki, ao ni kaboaki.

Tabeua bitaki aikai bon:

Aron tein rabunan te ubu ao te kunnikai ae mwarairai ae bebete riki.
Kanakoan te buratitiki man te bwara ao te kabaebae man te bwara ao rabunan te ubu.
Kabonganan te kunnikai ae teimaan riki ae tii te tikina n kunnikai ni kabane n aron te kunnikai ae mwarairai, bwara, bwain aon te kunnikai, are kateimaani ao e kabebetea tararuakiia.

Ara kantaninga bwa bitaki aikai a ana ibuobuoki ni katamaroa am waaki aika tabu ibukimi ngkai kam karika te nebonebo n te tembora bwa iteran maiumi.

Kaeka nakon Titiraki aika a Okioki

I kona ni kabongana au kunnikai ibukin karaoan mwakuri aika tabu ake mai mwaina?

Eng. Teia ake ngkoa a teimatoa ni kona ni kabonganaki ni karokoa are a kainnanoa bitakiia.

N na kanga n kanakoi au kunnikai ibukin karaoan mwakuri aika tabu ake mai imwaaina?

“Ni kamaunakin matan kunnikain te tembora ibukin karaoan mwakuri aika tabu ake a uruaki, membwa a riai ni urua te kunnikai ni korokoroia n te aro bwa e na aki kinaaki moan kamanenakina. (Aeniboki 2: Babairean Aron Kairan te Ekaretia [2010], 21.1.42).

I kona n bita au kunnikai ae ngkai nakon bitaki aika boou?

Eng. Rongorongo ae bwanin e kona ni kuneaki iaon store.ChurchofJesusChrist.org/ceremonialclothing ngkana ko kariniko ma am akaunti n membwa ke man kawaran te Distribution Services ao te titiraki nakon te kiraaka n te titoa.

I kona n anga au kunnikai ibukin karaoan mwakuri aika tabu ake mai mwaina?

Ngkana e riai, ko kona n anga ma te aamarau kunnikai nakoia raoraom ke kaain am utu ake a tia ni katabuaki. Ma, kunnikai ibukin karaoan mwakuri aika tabu, n aki taraa arora, e riai n aki kanakoaki nakon te tembora, Deseret Industries, ke te tabo n kunnikai riki teuana.

N na kanga n kareka te kunnikai ae boou?

Ibukin rongorongon boona ao tauraoina n am tabo, nako nakon store.ChurchofJesusChrist.org/ceremonialclothing ke kawari Distribution Services.