Titiraki & Kaekaaia
Tera am taeka ngkana raoraom a aki kakoaua bwa e kona n riki te Moan Kaotioti?
Karikirakea te Onimaki
N titiraki aika tabu, tiaki ti te iango ae ti kainnanoia, ti kainnanoa naba ae na iai iroura te onimaki n ataia bwa te Moan Kaotioti e a bon tia n riki. Ti kona ni karikirakea te onimaki anne man butian Tamara are i Karawa ao te ongora nakon te Tamnei.
Julia B., 17 ana ririki, California, USA
Kamatebwaia te Baibara
Tuangia raoraom bwa a na kamatebwaia te Baibara. Ngkana a kakoaua bwa ana taeka te Atua, ngkanne a riai n kakoaua bwa te Atua e bon taetae nakoira ngkai n te mii ni burabeti n aron te Moan Kaotioti ibukina bwa E karaoa naba aei ma Atam, Mote, Itaia, ao burabeti ake tabeman ni kawai aika a kakaokoro.
Unimwaane Muanda, 22 ana ririki, Kenya Nairobi Mition
Butia te Atua
Te koaua are te bwaka e riki inanon bubua n ririki tiaki nanona bwa te Atua e katoki mi ni burabeti. Ti riai n karekea te nano ae nanorinano ao ni butia te Atua ma te nano ae koaua ao koauan te nano n aron are karaoia Iotebwa Timiti.
Jeremi E., 19 ana ririki, Kinshasa, Te Tautaeka ae Inaomata mai Congo
Kakoaua te Atua
N na titirakiniia raoraou, “Kam kakoaua te Atua? Kam kakoaua bwa E kariki bwai ni kabane? Kam kakoaua bwa E kaoti nakoia burabeti n taai ake ngkoa? Ao ngkana ngaia anne, bukin tera kam na aki kakoaua ae e kona naba n riki ngkai? E bon kona.”
Sarah M., 16 ana ririki, Utah, USA
Tibwaua Am Koaua
I tibwaua au koaua ma raoraou bwa Tamara are i Karawa e kaoti bwai nakoia Natina ngkana a bubuti ma te nano ae koaua ni kan ataa te koaua. Iotebwa Timiti iai nanona ni kan ataa te koaua, ao e mwakuria ni kaeineti ma ana onimaki. Ko kona naba n kimwareirei n taai aika tamaroa ngkana kam butia Tamara are i Karawa n te tataro ma nanomi ni kabane.
Mara C., 20 ana ririki, Lima, Peru
Tamnei iroun Getty Images