Aua tamnei man Wiikin te Itita

A crown of thorns.

“Tiaki mai aon te aba ueau” (Ioane 18:36).

Te Bau te Akanta

Taraa Mataio 27:29; Mareko 15:17; Ioane 19:2.

Te tautia n Rom e katokai bau aika akanta iaon te Tia Kamaiu. “Tao te mwakuri n aki ako aei bon karaoan ae e aki kantaningaaki ni katootonga katokan te bau bwa kanikinaean te tokanikai iaon Atuna. … Ai kananokawakira aron aio, n ataia bwa akanta a kaota aki kukurein te Atua ngke E kamaraia aontano ibukin Atam bwa man te tai anne a na riki akanta. Ma man mwaenakin te akanta, Iesu e biti akanta nakon kanikinaean te kimwareirei” (Beretienti James E. Faust, Eberi 1991 maungatabu ni kabuta).

Te Kunnikai Ae Uraura

Taraa Mataio 27:28; Mareko 15:17; Ioane 19:2.

Te beebo bon ana kara te uea, ao tautia a kaenaena ni katuka te robu aei iaon Iesu Kristo ibukina bwa E a tia n taekinna bwa ngaia aia uea Iutaia. Ngaia anne, ni koauana E raka riki nakon anne—Ngaia bon aia “King King, ao aia Uea Uea” (1 Timoteo 6:15; Te Kaotioti 19:16).

Oil on canvas painting of Christ standing with hands bound in front, and dressed in a purple robe. Pilate is seated and dressed in gold and white. Artist signed and dated painting in lower left hand corner.

“E na waa nako te raraa man bwangabwangan kunin rabwatana ni kabuta, e na rawawata korakaina” (Motiaea 3:7).

Katinakoan Te Oriwa

Taraa Mataio 26:36; Mareko 14:32; Ruka 22:39–40; Ioane 18:1.

“Bon te kanikina ae nano bwa e ‘waanako te raraa [man] bwangabwangan kunin rabwatana ni kabuta’ [Motiaea 3:7] n aron korakain Iesu i Ketetemwane, te tabo are nnen katinakoan te oriwa. Ni karekean te oera n ana tai te Tia Kamaiu, uaan te oriwa a kamakiraaki n te atibu are e karabinoaki iaoia. Mwiin ‘kamarakiraana’ a karinaki inanon te bwai ae marau, te bwaene ae rarangaaki, ake a kaibetaotaoaki ni kabane. Rawawataia a kaotinakoa te moan oera ae Itiaki. Ngkanne karakaan te rawawata e a manga katokaaki te kai iaon te bwaene are ibetaotao, ni karekea te oera ae mwaiti riki. Kabaneana, n te aro bwa ko na kaotinakoa te kabanea n tim n oera man te kai te oriwa, e a katokaaki te atibu iaon te kai n iterana are teuana ni karokoa, a kamakiraaki. Ao eng, te oera titebo ma te rara ae uraura ngkana e otinako” (Unimwaane D. Todd Christofferson, maungatabu ni kabuta Okitobwa 2016).

A stone olive press

“E aki mena ikai, bwa E a uti” (Ruka 24:2–6).

Te Bwanganimatang Ae Akea Kaaina

Taraa Mataio 28:1–8; Ioane 20:1–18.

Te ruanimate ae akea kaaina ni moaningabongin te Itita anne bon te kaeka nakon ana titiraki Iobi, ‘Ngkana e mate te aomata, e kona ni manga maiu?’ [Iobi 14:14]. Nakoia naake a ongo banaau, I katanoata, bwa ngkana e mate te aomata, e na manga maiu. Ti ataia, bwai iai te ota ni kaokan te koaua” (Beretienti Thomas S. Monson, “E a Uti!” Eberi. 2010 maungatabu ni kabuta).

Jesus Christ's empty tomb - set at Goshen, Utah

Te Kamatataa n te bau te akanta iroun Dilleen Marsh

Kristo ao Birato, iroun Marcus Vincent, ana mwamwannano te Miutium n Rongorongon te Ekaretia

Tamnein katinakoan te oriwa iroun Getty Images