Tera Nanon te Itita Irou?

Maati 30–Eberi 12 Itita

N te Itita, ti bukamarua “te kabanea ni kakaawaki ni bong n te rongorongo”¹—Manga Utin te Tia Kamaiu Iesu Kristo. Aio bon boton ana babaire ni kakukurei Tamara are i Karawa.

N te maiu imwain te maiu aei, E rineaki Iesu Kristo bwa ara Tia Kamaiu. E berita bwa e na katauraoa te kawai are e na kona ni kabwaraki ara bure n oki nakon mweengara i karawa.

N moaningabongin te moan Itita, E kakoroa nanon ana berita Iesu. E tokanikai iaon te mate. Ao ibukin aei, “Bon ngaia ootan ao maiun te aonaaba; eng, ae te oota ae aki totoki, ae aki kona ni karaoaki; eng, ao te maiu naba ae aki totoki, bwa a na manga akea te mate.” (Motiaea 16:9).

Tera kakabwaia aika ko karekei man te Mangauti?

Rairannano

E titiraki Iesu Kristo nakoira ni kabane “Kam aki okirai ngkai, man rairinanomi man ami bure, ma n rairaki, bwa I aonga ni kamarurungngkami?” E berita bwa, “Ane e roko nakoiu, ao N na butimwaia” (3 Nibwaai 9:13–14). E kanga ami namakin ngkana kam rairi nanomi?

Te Mangauti

E na bon roko te mate, ma ana tokanikai te Tia Kamaiu iaon te mate e motikia bwa aomata ni kabane a na mangauti—e na manga ikotaki te rabwata ma te tamnei n arora ae kororaoi (taraa Aramwa 11:43). E kanga ataakin te Mangauti ni uota nakoim te kantaninga?

Te Maiu ae Akea Tokina

Ana Mwakuri ni Kamaiu te Tia Kamaiu e anga te maiu ae akea tokina, ke te karietataaki. Ni Karekea te kakabwaia aio, ti riai n ongeaba n tuua nako. Beretitenti Nelson e a tia n arana te kawai nakon te maiu ae akea tokina bwa “kawain te berita.”² Tera ae ti riai ni karaoia n ira te kawai aio nakon te maiu ae akea tokina?