Mālō e lelei mei Matakasikā!
Malō e Lelei, ko Mako mo Paolo kimaua.
ʻOkú ma fononga takai holo he māmaní ke ako fekauʻaki mo e fānau ʻa e ʻOtuá. Kau fakataha mo kimaua ʻi heʻema ʻaʻahi ki Matakasikaá!
Ko Matakasikaá ko ha kiʻi motu ia ʻi he matāfanga fakahahake ʻo ʻAfiliká. ʻOku lahi ai e ʻū ʻakau mo e fanga manu ʻoku ʻikai ke maʻu ia ʻi ha toe feituʻu ʻi he māmaní—hangē ko e limoa (lemur) hiku lōloa ko ʻení.
ʻOku tokoni ʻa e ongo tamaiki tangata ko ʻení ke fua e ngaahi sioki vaí maʻa honau fāmilí. ʻOkú ke tokoni fēfē nai ki ho fāmilí?
ʻOku tokosiʻi ʻa e Siasí ʻi Matakasikā, ka ʻoku tupu ia! ʻI he taimi ní, ʻoku ʻi ai ha ngaahi uooti ʻe 14 mo e ngaahi kolo ʻe 26.
ʻOku lahi ange ʻa e faʻahinga kehekehe ʻo e fōkaí ʻoku nofo ʻi Matakasikaá ʻi ha toe feituʻu ʻi he māmaní!
Ko e ngaahi fuʻu ʻakau baobab ko ʻení ʻoku lava ke tauhi ʻi hono sinó ha vai lahi ʻaupito—ʻo aʻu ki he lita ʻe 120,000!
ʻOku tokolahi e kakai ʻi Matakasikā ʻoku nau kai laise ʻo tuʻo ua pe tuʻo tolu he ʻaho, ko e taimi ʻe niʻihi ʻoku kai ʻaki ia ʻa e vesitapolo, piini, pe kakanoʻi manu.
Ko e foʻi lea faka-Malakasi ki he “kaumeʻá” ko e namana. Kapau te ke fetaulaki mo ha kaungāmeʻa foʻou ʻi Matakasikā, ko e hā ha meʻa te ke talaange kiate ia?
Feʻiloaki mo ha niʻihi homa ngaahi kaungāmeʻa mei Matakasikaá!
ʻOku ou ʻiloʻi ko Sīsū Kalaisi ʻa hotau Fakamoʻuí.
Nētane, taʻu 7, Vāhenga ʻAnitanalivo, Matakasikā
Ko Lāsolo M. Nalesoní ko ha palōfita ia ʻa e ʻOtuá.
Nomina, taʻu 6, Vāhenga ʻAnitanalivo, Matakasikā
ʻOkú ke haʻu mei Matakasikā? Tohi mai kiate kimaua! ʻOkú ma fie fanongo meiate kimoutolu.
Fakamālō atu ʻi hoʻomou fie mamataʻi ʻa Matakasikā mo kimauá. Tau toki sio!