Haʻu, ʻo Muimui ʻIate Au: Tohi ʻa Molomoná
Te tau aʻusia fēfē nai ʻa e mālohi faifakamoʻui ʻo Kalaisí?
(28 Sepitema–11 ʻOkatopa)
ʻI he malanga ʻa Sīsū Kalaisi ki he kakai Nīfaí, naʻá Ne fakahaaʻi ha ʻofa lahi mo Hono mālohi faifakamoʻuí ki he tokotaha kotoa pē naʻe haʻu kiate Iá. Ko e hā te tau lava ʻo ako mei he aʻusia ʻa e kakai Nīfaí mo e Fakamoʻuí?
Ngaahi Faingataʻaʻia ʻo e Kakai Nīfaí
Naʻe moveuveu ʻa e ngaahi taʻu lahi kimuʻa pea hāʻele mai ʻa Sīsuú. Naʻe kātekina ʻe he kau Nīfaí ʻa e:
-
Moveuveu fakapuleʻanga (vakai, 3 Nīfai 7:1–4).
-
Faiangahala mo e ngaahi anga-fakalieliá (vakai, 3 Nīfai 2:3, 7:7).
-
Tāufehiʻa fakafaʻahingá (vakai, 3 Nīfai 6:10–14).
-
Fakatanga fakalotú (vakai, 3 Nīfai 1:9).
-
Tau (vakai, 3 Nīfai 2:17).
-
Fakatamaki fakanatula lolotonga e ngaahi ʻaho ʻe tolu ʻo e fakapoʻulí (vakai, 3 Nīfai 8).
Malanga ʻa Kalaisi ki he Kakai Nīfaí
ʻI he taimi naʻe hā mai ai ʻa e Fakamoʻuí ki he kakai Nīfaí, naʻá Ne fakaafeʻi ʻa e taha kotoa pē naʻe “puke ʻi ha mahaki” (3 Nīfai 17:7) ke haʻu ke fakamoʻui. Naʻe ope atu ʻEne fakaafé ʻi he ngaahi faingataʻaʻia fakamuimui ʻa e kau Nīfaí. Naʻe fakaʻaongaʻi ia ki he ngaahi kafo fakatuʻasinó mo fakaelotó ʻa ia naʻe fuesia ʻe he kakai Nifaí ʻi he kotoa ʻo ʻenau moʻuí. Naʻe fakamoʻui ʻe Sīsū Kalaisi ʻa e tokotaha “kotoa pē” (3 Nīfai 17:9) pea naʻá Ne ngāue fakaetauhi kiate kinautolu “takitaha” (3 Nīfai 17:21).