Lea ʻIkai, Fanongo ki he ʻIkai

ʻOku ʻofa ʻa e Tamai Hēvaní ʻiate kitautolu pea ʻokú Ne finangalo ke tau malu! Ko e lea ʻikai ʻi he taimi ʻoku tau fie maʻu aí pea mo hono fakaʻapaʻapaʻi ʻa e niʻihi kehé ʻi heʻenau tali ʻikai maí ko ha ngaahi founga ia ʻe lava ke tau tauhi ai kitautolu mo e niʻihi kehé ke nau malu.

Ko e taimi ʻe niʻihi ʻoku fie maʻu ke ke tali ʻikai ʻi ha founga lelei.

“ʻIkai, mālō. Fakamolemole, ʻe lava nai ke ʻomai haʻaku vai?”

Ko koe leva ʻeni! Fakakaukauloto ʻoku fie maʻu ke ke tali ʻikai ʻi ha founga lelei. Ko e hā haʻo lea ʻe fai?

Ko e taimi ʻe niʻihi ʻoku fie maʻu ke ke tali ʻikai ʻi ha founga mālohi ange.

“ʻOku ʻikai ke u fie sio ki ai! ʻOku ʻikai totonu ke ta sio ki ai.”

Ko koe leva ʻeni! Fakakaukauloto ʻoku fie maʻu ke ke tali ʻikai ʻi ha founga mālohi ange. Ko e hā haʻo lea ʻe fai?

Ko e taimi ʻe niʻihi ʻoku tali ʻikai mai e kakaí ke tokoniʻi kitautolu ke tau malu mo moʻui lelei.

“Fakamolemole, he ʻikai te ke ʻalu. ʻOku ʻikai ke malu ia.”

Ko koe leva ʻeni! Fakakaukauloto ʻoku tali ʻikai atu ha tokotaha lahi pea ʻoku ʻikai te ke saiʻia ai. Ko e hā ʻa e meʻa ʻoku totonu ke ke fai?

Ko e taimi ʻe niʻihi ʻoku tali ʻikai mai ʻa e kakaí ʻi he taimi ʻoku nau taʻefiemālie aí.

“Taʻofi! ʻOku ʻikai ke u saiʻia ʻi he foʻi vaʻinga ko ʻení.”

Ko koe leva ʻeni! Fakakaukauloto ʻoku kole atu ʻe ha taha ke taʻofi ʻa hoʻo fai ha meʻa. Ko e hā ʻa e meʻa ʻoku totonu ke ke fai?

Fēfē nai kapau ʻoku ʻikai ke fanongo e kakaí ʻi he taimi ʻokú ke lea ʻikai aí? Fēfē nai kapau te nau fakamamahiʻi koe pe fai ha meʻa kovi?

Mavahe mei ai kapau te ke lava.
Tala ki ha taha lahi falalaʻanga fekauʻaki mo e meʻa naʻe hokó.
Manatuʻi ʻoku ʻikai ko koe ʻoku koví.
ʻOku tatau ai pē pe ko e hā e meʻa ʻoku hokó, ʻiloʻi ʻoku ʻofa maʻu pē ʻa e Tamai Hēvaní mo Sīsū Kalaisi ʻiate koe!