Ko e Sākalamēnití mo Au

Fai ʻe Palesiteni Dallin H. Oaks

Tokoni ʻUluaki ʻi he Kau Palesitenisī ʻUluakí

Toʻo mei he “Houalotu Sākalamēnití mo e Sākalamēnití,” Liahona, Nōvema 2008, 17–20.

Ko e sākalamēnití ko e konga mahuʻinga taha ia ʻo e houalotu sākalamēnití. ʻI heʻetau maʻu e sākalamēnití, ʻoku tau palōmesi ai ke manatu maʻu ai pē ki he Fakamoʻuí. Ke ngaohi ʻa e sākalamēnití ke makehé, ʻoku tau

Teuteu ke fakahaaʻi ʻoku tau fakaʻapaʻapaʻi ʻa e sākalamēnití.
Tangutu fakalongolongo kimuʻa pea kamata ʻa e fakatahá.
Hiva ʻi he himi sākalamēnití.
Fakakaukau kia Sīsū pea palōmesi ke manatu maʻu pē kiate Ia.

ʻOku tokoni ʻa e sākalamēnití ke tau ongoʻi ʻa e Laumālie Māʻoniʻoní. ʻOkú ne tokoni ke tau nofo maʻu ʻi he hala ke tau toe foki hake ai ki hotau ʻapi fakalangí. ●

Fakahā ʻa e ʻOfa kia Sīsū

Te tau lava ʻo fakahaaʻi ʻetau ʻofa kia Sīsuú ʻaki ʻetau loto-ʻapasia ʻi he lolotonga ʻo e sākalamēnití. Ko e hā e meʻa ʻokú ke fai ʻi he lolotonga e sākalamēnití?

Tangutu fakalongolongo.
Fakakaukau ki he himi sākalamēniti ʻoku ou manako taha aí.
Fakakaukau ki ha talanoa fekauʻaki mo Sīsū.
Lotu ki he Tamai Hēvaní.