Itulau i le lotoifale
Tuusaunoaga i Tulaga Faatonuina o Laei mo Alii Talavou Faifeautala’i
Ia Iuni i le tausaga nei, na faasilasila ai e Le Ekalesia a Iesu Keriso o le Au Paia o Aso Ai tuusaunoaga i tulaga faatonuina o laei mo alii talavou o loo auauna atu o ni faifeautalai.
O tuusaunoaga, lea na faamaonia e le Au Peresitene Sili ma le Korama a Aposetolo e To’asefululua, o le a tuuina atu ai i le Au Peresitene o Eria le tomai e fetu’una’i ai laei o faifeautala’i i nofoaga faapitoa e faaleleia ma faatumauina ai le mamalu faafaifeautalai, saogalemu, mataalia, faigofie ona maua ma le maaleale faaleaganuu a o avea ai ma sui o le Alii ma Lana Ekalesia.
“O laei faafaifeautalai e masani ona fetuunai i le aluga o taimi e tusa ai ma nofoaga, sitaili ma agaifanua,” o le saunoaga lea a Elder Dieter F. Uchtdorf, o se tasi o le Korama a Aposetolo e Toasefululua ma le taitaifono o le aufono faatonu a faifeautalai. “O nei faaletonu o se faaauauga lea o lena faagasologa. I o tatou manatunatuga uma lava, tatou te maua ai le mafaufau i le valaauga o le faifeautalai e fai ma sui o Iesu Keriso, lo latou soifua maloloina ma le saogalemu, ma maaleale faaleaganuu o nofoaga o loo latou auauna atu ai.”
I lalo o taiala ua toe faafou, o laei masani faafaifeautalai e toe faamamafa mai, lea e aofia ai se ofutino ma se fusiua paepae ma, i nisi o eria, e i ai se peleue o le suti. E le gata i lea, i eria o loo faatagaina ai le aoao atu, o alii talavou (e masani lava ona taua o toeaina) e mafai ona ofuina se ofutino paepae pe lanu moana lanu tasi ma le fusiua pe e aunoa ma se fusiua. O nei tuusaunoaga o le a fuafuaina e Au Peresitene o Eria, ma o le a logoina faifeautalai e o latou peresitene o misiona pe afai e faatatau nei tuusaunoaga i a latou eria o loo aoao atu ai.
O alii faifeautala’i uma lava o le a faaauau ona laeiina le ofutino pa’epa’e ma le fusiua ma, i nisi nofoaga, o se suti pelaue pe afai o lo’o auai i le malumalu, tapuaiga faalelotu i le Aso Sa, konafesi faaletaitai ma faale-sone, nofoaga autu mo le aoaoina o faifeautalai, sauniga papatisoga ma isi sauniga faale-lotu.
“O laei o faifeautala’i e tatau lava ona mamalu, faaaloalogia ma faigofie ona feiloa’i i ai, a’o faataunuuina e faifeautalai o latou faamoemoega o le a’oa’oina o tagata e uiga i le talalelei a Iesu Keriso,” na saunoa ai Elder Uchtdorf.
O lenei faasilasilaga na mulimuli i le toe fetu’unaiga o tulaga faatulagaina o laei mo tamaitai talavou o loo auauna atu o ni faifeautalai ia Tesema 2018.