Bannan te Onimaki
Sakiusa ao Salote Maiwiriwiri
Suva, Fiji
I aki kona ni kakopaua te rau ao te kukurei are I kunea ni mwengaia Maiwiriwiri. N aki tabe ma mateia natiia ake uoman, a maiuakina te maiu ni kukurei ao te kantaninga ni katoabong.
Leslie Nilsson, te Tia Rawetamnei
Salote:
Uoua te ririki imwiin maten natira te mwaane Esa man te kaentia ni maamaana, natira te aine e mate man aorakin kaburorona. Inanon te tembora, I namakina te wirikiriki ae korakora n taetae ma te tinia mitinare ikekei ake a mate naba natiia aika uoman n ririki ake imwaina. E tuangai, “Ngkana ko karika mweengam bwa te tabo ae tabu, ko kona n namakina menaia natim ikekei.”
E a tia n riki aei bwa ara kouru. Bwaai ni kabane aika ti karaoi bon karikan mweengara bwa te tabo ae tabu. Ti tangiria n namakinna ae ti kaan mangaia.
Ti aki ataia bwa ti na kanga n riki bwa kaaro ngaira i karawa. Ma ngkana ti karaoa ara kabane n tamaroa ni maiuakina te maiu ae raoiroi, ti kakoaua bwa a namakina ara mwakuri. N ara taromauri n utu, ti butimwaia Esa ao Esalynn n araia.
Inanon mweengara, riki ngkana iai aki nakoraoira, ti kataia ni katokia n te tai ae waekoa. Ti tangira mweengara bwa e na riki bwa te tabo ae tabu n aron ae ti kona. Ngkana ti a tia ni karaoia, ti a tia ni bane n namakina te kamaiuaki ao te tangira.
Sakiusa:
Te bwai ae riki ni buan Esa ao Esalynn e a tia ni uota te reitaki ae korakora riki n ara utu. Ti bootaki ni marooro ma ara ataei ake tabeman. Ti nakon te tembora n te utu. Ti maeka ni maiura ae bebete n aron ae ti kona ao n rinea te kakaitau ni katoabongt. Ngke ti maroroakina nanon te kabaeaki n te utu n te tembora, te kabaebae anne e riki rake ni koaua ao ni uaana. Ao rinanon bwaai aikai ni kabane, ti namakina raoi rokoia ara ataei.
Teuana mai ibuakon bwaai aika ti karaoa mweengara bwa e na rang n tabu bon man warekan Ana Boki Moomon ni katoabong. Te moan, ti tibwauai tamnei n Ana Boki Moomon ibukiia ara ataei aika uarereke riki. Imwiina ti karin witeo. Ngkai ti a wareka ae mwaiti riki man Ana Boki Moomon. I kona ni kakoaua mwaakan Ana Boki Moomon.
I kona naba ni kakoaua te mwaaka n te babaire ni kamaiu. Ngke ti bairea te taunimate ibukiia Esa ao Esalynn, ti baireia ni kaitara aron te taunimate n te katei ni Bitii. Ngaia are, ti ngai ma kainabau aika ti taetae, ao ti taetae iaon te baire ni kamaiu. A mwaiti kaain ara utu aika a tia ni kaina te Ekaretia imwiin ongoraia koaua aikai man te mwakuri n taunimate.
Sakiusa e reireiniia ana utu bwa akea te okirikaaki n te maiu, ti te waaki rake. “Ni katoabong ti moanna n nakoraoi riki,” e taku. A maiuakina maiuia ae bebete n aron a kona ao ni kabanea aia iango iaon te kakaitau.
Salote e kunea te kimwareirei ae korakora ni kabanean ana tai ma natina ao n reireiniia taekan te euangkerio.
Te utu ae Maiwiriwiri iai aia koaua ae korakora n te kabaeaki n te tembora. A kawakin koaua aikai ni kaan riki nakon nanoia ngke a uringa Esa ao Esalynn.
Ngkai a kabanea aia iango iaon te maiu ae bebete ao ni waaki nako, ana utu Maiwiriwiri a kakaitau ibukin kakabwaia ni katoabong. “Ti rangin ni kakaitau ibukin te bwai ae ti karekea,” e taku Sakiusa.