Kairake n Ikawai
Ko Kona ni Karekea te Kainaomataaki
Ngkoe ke temanna ae ko tangiria e reke ni minominotaki n ana mronron te kamangaongao, rairannano, manga karaoan te bure, ao manga te mangaongao riki? A mwaiti kairake n ikawai aika I mwakuri ma ngaiia ngke te bitiobi ibukiia kairake n ikawai ngai ake a mwane n te minominotaki naba anne. Ma a mwaiti naba aika a kunea te kainaomataaki rinanon ana Mwakuri ni Kamaiu Kristo. Te rongorongo iaon te anua ae kareke n te mwakoro n te namwakaina aei e anga iango ni ibuobuoki ibukin karekean te kainaomataki—Nakoim ao nakoia tabeman.
Te bwai ae moan te kakaawaki are ti riai n uringnga bwa ngaira ni kabane bon natin Tamara are i Karawa aika tangiraki. Unimwaane Dieter F. Uchtdorf e reirei, “[Te Atua] E aki tataninga n tangiriko ni karokoa ae ko tokanikai iaon mamaram ao kateim aika buakaka. E tangiriko n te bong aei ma ataakin ni kabane am kanganga. … E atai nanokawakimi n taai aika ko a tia n aki karaoi bwaai aika a riai ni karaoaki ke ni bwaka. Ao e teimatoa n tangiriko” (“Living the Gospel Joyful,” Liahona, Nov. 2014, 123; e kairaki ma katuruturuana).
N iterana are teuana, Tatan e na kataia ni kairiko bwa ko a riaon riki ana tangira Tamara are i Karawa ao mwaakan te Tia Kamaiu ni bitiko ao ni kaitiakiko. Tatan e na kataia ni katikuko n namakina te mwane inanon te kamamaeaki ao te riribaki, ma tai kakoauai ana kewe.
N onea mwiina, rairaki nakon Tamam are i Karawa. Tai maaku ni kaoti bwaai ni kabane nakon am bitiobi ke am beretitenti n te mwaanga ao tabeman ake ko tangiriia. Ngkai ko wareki karakin kantaninga irouia kairake n Ikawai ake a tia n rootaki n aroaro aika kareke, karaoan naba anne are ko karekea. Bwaina te taotaonaki n nano ibon iroum, uringnga arom n riki mai karawa,rikim mai i karawa, karaoa teuana imwiin teuana, ao kakoaua mwaakan Iesu Kristo ni kamarurung. Ngaia ao aika a mwaiti riki bon rao ake a na buokiko n namakina te inaomata ake ti tangiriia. Tai bwarannano.
Raraom,
Richard Ostler