Kairake

Ngke I katabuaki bwa N na beku n te California San Bernardino Mition bwa te mitinare ae bwanin ana tai, au utu a mena naba ikekei n raonai. Te tamnei aei bon tamneiu n rabwata temanna tariu imwiin katabuakiu. Bon te mwananga ae abwabwaki are e a tia ni karokoai n te tai aei, ma I rang kakaitau ibukin bitaki ake I a tia n noori irou ao irouia au utu.

Au kabanea n aua n ririki n reirei n te kauarinan, I reke n te kurati n te kaa ae kakaiaki. Imwaina anne I bon aki karaoi bwaai ake I riai ni karaoi. Ma imwiin te kurati n te kaa, au taratara iaon te maiu e bon bitaki. Maiu e kona n tia n anaaki man te tai anne ao are imwiina, ao I aki tangiria bwa e na toki n aron anne. Au bitiobi e buokai n okira te kawai ae eti: warekakin ana Boki Moomon ni katoabong ao ni katauraoi ni beku n te mition.

Te biri iaon te turaeki bon au takakaro, ae I tatangiria. Imwiin te kurati, I aki kona n takakaro iaon taina n te ririki anne, ao I mimi bwa tera bwaai aika a tamaroa ake a kona n reke inanon maiuna. Ma I rairaki nakon te Uea, ao ngke I karaoia, e a reke au tai ae moan te tamaroa n okira te titien n te ririki are imwiina. Bon iai naba kanganga, ma tera ae bitaki bwa n onean mwiin are I karaoia ibukiu, I a karaoia ibukin te Uea.

N tii noorakina bwa mwaitira kakabwaia ake a kona n roko man bwaninin te euangkerio bon ngaia are e a tia ni bitai. Karekean ni kabane te kukurei ao te kimwareirei anne, I tangiria ni kabutia ni kabuta te aonaaba. I rang tangiriia aomata bwa a na karekea te kimwareirei are I karekea ni katoabong ibukin te euangkerio. Ao anne bukina ngkai I beku n te mition ni buoka “te aki mamate ao te maiu ae akea tokina ibukin te aomata” (Mote 1:39).

Garret W., 18, North Carolina, USA