“N na kanga n tokanikai iaon namakinan te maroaa?

Karikirakei ami Tarena

I tokanikai iaon namakinan te maroa man karikirakean au tarena, ngkana tao bwaai ni katangitang, au takakaro ae mamaten nanou, a bati riki. Aio are e kauarerekea namakinan te maroa, ao n angiin te tai e na bon nako n ake ae tiku. Aio are e na kairi naba nakon kuneakiia tabeman n tibwa te bwai ae mamate nanom iai.

Steven H., ana ririki 12, New Mexico, USA

Kakaea te Ota

I ukoukora ana boutoka, kaunganano, ao ana tangira Tamara arei Karawa ao te Tamnei ae Raoiroi bwa a na anganai te rau, kantaninga, ao te korakora ngkae I kainabwabu, tataro, ao ni wareki koroboki aika tabu. Ae e taekinaki n 3 Nibwaai 11:11, Iesu Kristo bon “Ngaia te oota ao maiun te aonaba.” E roko bwa e na kamaunanakoi roo ni kabane.

Andrea B., ana ririki 18, Zulia, Venezuela

Buokiia Raraom ao am Utu

Ngkana I namakina te maroa, I tangiria ni buokiia raraou ao au utu; e bon karekea te kukurei nakoiu. I tarai kakabwaia inanon maiu ao I karabwa Tamau are i Karawa ibukin mwaitin are e a tia ni kaman anganai!

Talli N., ana ririki 16, Oregon, USA

Uringa Ana Baire te Atua

Ataia bwa rinanon ana baire te Atua, tina ataia bwa ti riai n aki namakina te maroa. Te Tamnei ae Raoiroi e raoniira n tainako, ao te Atua e ata te bwai ae ti ininimaki inanona. Te Uea e rinanona kataki ni kabane ao kanganga ake ko kaitarai. Teuana man bwaai aika rang kakaawaki n te maiu n rabwata bon te kimwareirei, ma ti karekea te kimwareirei n akea te nanokawaki (taraa 2 Nibwaai 2:11). Tataro nakon te Atua ao bubutia bwa e na buokiko, E aki kona ni kabwaka mai iroura.

Brock S., ana ririki, ana ririki17, Utah, USA

Onimakina te Uea

Kiitanakin mweengau n roko i Brazil ibukin au mition e bon matoatoa. E matoatoa reiakinan te taetae! Ma I a tia n reiakinna bwa ngkana e raoniko Tamnein te Uea, ko bon aki kona n namakina te maroa. E kinako, ao E na buokiko n tainako. Onimakinna!

Unimwaane Joseph Tolen, ana ririki 20, Brazil Campinas Mition