Kairake n Ikawai
Te Anua ae Kareke ti Tebo ma te Kakaitara?
E maeka te tia korokaraki i Texas, USA.
Atakin riki raoi te bwai ae kareke e kona ni buokiira ni kakoaua te bwai anne, bwa n te bong teuana, ao e na kainaomataira te Uea man te tautoronaki.
N ara aonaaba ae aki kororaoi, te bwai ae kareke ao bibitakin te maiu bon te bwai ae koaua ibukiia tabeman. Ngkana ti kabongana te bwai ae korakora n tei raroa ma bwain te maeu aei, n aron te amwarake, bwai n aoraki aika kabwarabwaraaki, te kareke rongorongo iaon te intanete, te winnanti, tamnei aika tangako, taetae n te aro ni kewe, te kemboro, ke te kamarurung ae riao, ti kona ni kai kunea bwa ti teimatoa naba n onimakinii waaki aika a kareke.
Ngke I tia ni matakuakiiniia aomata aika kamimi, aika a tangira, ao aomata ake a korakai man te bwai ae kareke-tiaki ti man katokan rinerine aika kairua ao I a kamatebwai booki aika tabu ao ni ukeukeri nako rongorongo aika tibwa tia ni karaoaki iaon ni irekereke ma te bwai ae kareke bwa nna kanakoraoa riki otau iaon iango aika aki raoiroi are e karika te maamaa ao kainanoakin bwaai aika a riai aikai bwa a na karaoaki.
Te Anua ae Kareke n Tangirakin Aroka Aika Aki Tangiraki Inanon te Onaroka
E kona Borauakinan te bwai ae kareke n aekan taruakin te onaroka. Tiaki kaitiaki ni koroi aroka ti n te taina ao ni kantaningaia bwa e a tia naba. Ti ataia bwa ana bwebwerake riki uteute, ngaia are ti teimatoa n routi uteute ni kamanoi aroka.
Ngkana iai ara kaangaanga ma te anua ae kareke, e na kona ni bwarananora ngkana tia okioki naba ni karaoa anua aika raoiroi riki imwiin ara rairannano ma kakaean te ibuobuoki. Ti kona ni mimi ao n aki kukurei bwa kabwakabwaka aikai a rangin ni korakora imwiin taai aika kakukurei ao ni kananokawaki ni maiura. (Kanga aron uteute aika a bati ni bwebwerake imwiin bwakan te karau ke te ang ae korakora.)
Te Mwakuri ae Kareke ni kaitaraa Nanom ni Kaaitara
I a tia ni kunea bwa e kabongana te mwakuri ae kareke Tatan ni kataia n anai nanora bwa ti na karika te riaboro, bwa e na karekea kaira iai man moan maiura, ke aonga ni bwara nanon te Uea Iroura. Te riaboro e kabongana te maama ni kabwarai nanora, ni kaotia bwa e aoria ngkana iraua ara tai n rairinanora, e na teimatoa te kariiri ni kaoti.
A mwaiti bukina ngkai aomata a irekereke ma te anua ae kareke, ma te anua ae kareke e moanaki n tainako ma katakin kakoroan nanon “kainnano aika korakora ao n tuai korobukiia.”1 Ngaia are e ngae ngke te kakaitara a kona ni kairiko nakon te anua ae kareke ao aika kareke ni kona ni karika te bure, aki toki n unikaki n tainako inanon ke e karaoiroaki ni mamaarana irarikin are te kaaitara n oin nanona.2
Ma te kakaitau, ti ataia bwa e kona te mamaara n anganiira ara tai n reiakina taekan te nanoanga ao ni karikirakea onimakinan mwaakan Iesu Kristo ni kamaiu.3
Ni Karokoa te Kainaomataaki man te Tautoronaki
Ti kunei atatai aika nano inanon te ukeuke ao kamaunan bwai ni kamwane man te anua ni kareke mairouia kurubu n aomata aika uoman n ana Boki Moomon: Ana aomata Rimwaai ao ana aomata Aramwa.
Kurubu aika uoua aikai a tautoronaki ibukin te tai ae rangin ni kakawaki. A uaia n namakinna ae “akea te kawai ae a kona ni kamaiuia” man te tautaekanaki (Motiaea 21:5). Ni kauoua, ma te tai, a rairaki nakon te Uea ibukin buokaia.
Ana aomata Rimwaai a tautoronaki ibukin riaoan te tua. N aki ukoukora ana ibuobuoki te Uea, a buakaniia taan ribuaka “n te un” teniua te tai. A konaaki n aia buaka. Ngke a moanna ni karinanoia, “e waeremwe te Uea n ongo tangiia … [ma E] ongo tangiia, ao ni moanna ni karaui nanoia Reimwanaite ni kamarau nanoia are a moanna ni kabebetei rawawataia” (Motiaea 21:15; emphasis added). A kakabwaiakaki ibukin rikiraken aia taotaonaki n nano, ma “te Uea e aki noora riaina bwa e na kainaomataia man te tautoronaki” ni karokoa te tai are imwiina riki.
Ana aomata Aramwa a tautoronaki e ngae ngke a kororaoi, ma a “tataro inanoia nakon te [Atua].” E ngae ngke ataa nanoia ae raoiroi, kariaia te tai imarenan tautaekaniia ao kainaomatakiia. Ngke a reitinako n Onimakinna, E berita bwa E na “kabeebetei naba taian uota ake a katokaki iaon angami, bwa kam na aki kona n namakin iaon nukami, n ami [tai] n tautoronaki.” Ao ngaia ngkanne, a “karaoi nanon te Uea ma te kukurei ao te taotaonakinnano” (Motiaea 24:12, 14, 15).
Kurubu aikai a kamaeuaki man te tautoronaki. Ao ti a tia n anganaki te berita are ngkana ti nakon te Uea man te tautoronaki, ao tina “riki bwa taan kakaoaua [ibukina] imwin aio” ao bwa kam “aonga n ataa te koaua bwa, te Uea ae te Atua, [e bon] kaakawariia [ana] botannaomata inanon aia tai n rawawata” (Motiaea 24:14)—ao n aroia ae e kareke!
Kabebetea Nanomi
Ngkana ko rootaki man bwaai aika a kareke, uringnga bwa man ana ibuobuoki te Uea, ao n te tai aio ao kona karikirakea te anua n Atua inanom kanga ai aron te aroka are ribanaaki bwa e na maiu reirei iaon te tano ae moan te tamaroa. Ngkana ko rikirake inanon te nanorinano , ao ko na bon reiakina naba te taotaonannano, te nanoanga, te taotaonikinnano ae korakora, ao te nimamannei.
Reitaki ma am taan kairiiri ake iai irouia te nakoa ni ibonga ao naake a kona n anga aia boutoka, ao kabonganai bwaai ni mwakuri are te Tama are I Karawa ea tia ni katauraoi bwa ena buokiko ni kunea te inaomata. Onimakina te Uea; ngkana ko iriiria ma te mwakuri korakora, ao e kona ni ibita te aki unga n nanona ao kanganga aika a rawawata nakon te kabanea n tamaroa ibukin bitakin te tamnei.4
Temanna kaain te Ekaretia ni boong aika kaitira mai Aotiteeria are e a maan ni kaaina te aro, ngke e a kabootaua maiuna n taai aika a nako ma maeuna n taai aikai, ao e taku: “Maeu n taai aika a nako [bon] te maiu ae kabwaka ao ni karawawataaki, ma te tamaroa are a katobibia tinanikun te karawawataaki anne. [Ma] ngkai te karawawataaki anne e a mauna nako, ao te raoiroi e a manga okira rikirakena ni nnena.”5
Ngkana ngai ao ngkoe ti kaai ni kanakoi buakakan kanoan ara nne n aroka ao n nakon te Atua inanon ara tai n rootaki n te kanganga , ti na bon karekea te berita are e reke naba irouia ana aomata Aramwa: “Kam na kabebeteaki, bwa n ningabong ao n na kamaiui ngkami man te tautoronaki” (Motiaea 24:16).
Teimatoa ni kanakoi taian buakaka— bwa are ko na bon tokanikai man taian anua aika a kareke ao anua aika buakaka ao e na rangi n tamaroa aron am kariki uaa!