Ngkana iai te aoraki n au iango, I kona ni karaoa te mwakuri ni mitinare?

Eng. Aomata ni kabane ake “iai nanoia ni kan beku iroun te Atua … a weteaki nakon te mwakuri” (Reirei ao Berita aika Tabu 4:3). Eaki rangin ni kakawaki bwa ti beku iia nakon arora ni beku. Ao ane iai ana iango ni beku n te mition ana taraaki naba marurungiia n rabwataia ao n aia iango.

Ngkana iai nanom ni kan beku n te mition, taetae nakon am bitiobi. E kona ni buokiko ni moana kawain te bubuti ni karaoa te mwakuri. Iteran te kawai anne bon te reitaki ma taokita ao taan rabakau ake tabeman, n raonaki ma taan kairiiri n te Ekaretia ao kaaro. Taeka aikai aki n ae ana taraia bwa “ko raoiroi” ibukin te Uea ma e na buoka karekean te kabanea n tamaroa ni babaire ibukin am mwakuri n ibuobuoki.

Te wewete ni beku e kona n reke nakoia aomata ni kabane ake iai nanoia ni kan beku. Te mwakuri ae ko karekea bwa ko na beku n te tabo teuana ke n te kawai ae onoti e kaineti ma koaua aika mwaiti. Aomata aika iai aia kaangaanga ma marurungiia (n raonaki ma marurungin te iango) a tia ni kataia ni karaba te rongorongo aei n te beeba ni bubuti, n iangoia bwa e na buokiia ni karekea te mwakuri are a tangiria. Ma ngkana ko rangin ni kokoaua ibukin rongorongon am bwainaoraki (n raonaki ma marurungin te iango), ao e na kakabwaiako te Uea. E kantaningaiko bwa ko na karaoi bwaai ni kabane aika ko kona ni karaoi ni kanakoraoa aorakim. Ao angiin te ibuobuoki n te bwainaoraki aika ko karekei ni mweengam e kona n reitaki n te tabo ni mition.