Veisau ena Mekasini ni Lotu eso

Na veisau lelevu ena vakayacori ena mekasini ni Lotu me tekivu ena Janueri 2021. Ena yaco kina na Liaona me nodra mekasini na uabula, ka vakarautaki me dua na kena tabaki me baleti ira na uabula e vuravura raraba. Na mekasini me baleti ira na itabagone kei na gonelalai, me vaka na ivola tabaki vakataki koya ga, ena vakarautaki e vuravura raraba. Na lewena vakalivaliva kei na kena e vakacurumi vakaitaukei ena vakarabailevutaki ka vakavinakataka cake na itukutuku ni kosipeli sa vakarautaki tu vei ira na lewe ni Lotu ena veivanua kecega.

Na yaca na Ensign e sa na vakacegui, na mekasini ni itabagone e sa na kilai oqo me iSakisaki ni iTabagone (ka sa na sosomitaka na New Era), kei na iTokani ena tomani tikoga me yaca ni mekasini baleti ira na gone.

Na veisau eso oqo ki na mekesini ena vakarautaka e vica na veika yaga vei ira na Yalododonu Edaidai e vuravura raraba:

• Ena imatai ni gauna, na veimatavuvale ena taudaku ni veivanua vosa vaka-Valagi e sa na nodra na madigi mera volayaca ki na mekasini vakatabakidua baleti ira na gone kei na itabagone.

• Ena so na vanua kei na vosa, ena tabaki vakawasoma cake na lewe ni itukutuku mai na kena e liu.

• Na matavuvale ni Lotu e vuravura raraba ena ciqoma na itukutuku veivakaduavatataki vata ga mai na mekesini eso oqori ni vuravura raraba.

Wilika na ivakamacala eso baleta na veisau oqo ena tabana e 39–40.