Vakavoui ena Railesuvi ni Serenilotu

Ena June 2018, a kacivaki kina e dua na railesuvi ni ivolanisere ni Lotu kei na nodra ivolanisere na gonelalai, vata kei na kerei ni nodra nanuma na lewenilotu me baleta na sere kei na ivakatagi tabu kei na kaci me ra vakauta yani na serenilotu taumada, sere, kei na tiki ni qaqana eso. E voleka ni 50,000 na lewenilotu era a kauwai ki na dua na vakadidike ni itukutuku me baleta na noda sere kei na ivakatagi tabu ena gauna oqo. Era a wasea talega na nodra nanuma me baleta na vei sere digitaki vakaturi mai na veimatalotu tale eso ka ra okati me ciqomi.

E sivia ni 16,000 na sere ivakatagi vakaturi a ciqomi mai vei ira na lewenilotu ena 66 na matanitu. Na serenilotu kei na sere taumada oqo era sa railesuvi tiko vakamataboko ena vuqa na wavoki mai na dua na ilawalawa lewenilotu kenadau e vuravura raraba kei na dua na komiti ni kena railesuvi ena itikotiko liu ni Lotu.

Era sa vakavinavinaka na komiti eso vei ira na lewenilotu e vuravura taucoko ena nodra solia na nodra gauna kei na taledi me ra vukei kina na tani me ra toro voleka yani vua na iVakabula ena sere ivakatagi tabu. Me vaka ni ra sa vakasamataki sara tiko vakavinaka na veika sa vakau yani kei na vakatutu kece sara, e namaki ni sa na qai vakarautaki tu na isoqoni ni sere vou ena vica na yabaki mai oqo.