Veiveisau Eso ni Veiliutaki sa Kacivaki

Ena koniferedi raraba ni Okotova 2020, a kacivaki kina e dua na lewe ni Mataveiliutaki Vitusagavulu vou, e dua na Vakaitutu Raraba ena Vitusagavulu vou, e dua na lewe ni Matabisopi Vakatulewa vou, kei na va na Vitusagavulu ni iWasewase vou.

A tokoni o Elder Brent H. Nielson me lewe ni Mataveiliutaki ni Vitusagavulu, ni oti na nona vagalalataki o Elder L. Whitney Clayton, o koya ka sa soli vua na itutu vakaemeritesi. O Elder Patrick Kearon e sa veiqaravi oqo vaka Peresitedi iLiuliu ni Vitusagavulu, na itutu ka a taura taumada tu o Elder Clayton.

A tokoni o Elder Dean M. Davies me dua na Vitusagavulu Vakaitutu Raraba, ni oti nona vagalalataki vaka iMatai ni Daunivakasala ena Matabisopi Vakatulewa. A tokoni o Bisopi W. Christopher Waddell me sosomitaki Elder Davies vaka iMatai ni Daunivakasala ena Matabisopi Vakatulewa, ka tokoni o Bisopi L. Todd Budge, ka a vagalalataki vaka dua na Vitusagavulu Vakaitutu Raraba, me iKarua ni Daunivakasala (na itutu ka a taura tu e liu o Bisopi Waddell).

Erau a vakacegui talega o Elder Enrique Falabella kei Elder Richard J. Maynes vaka Vitusagavulu Vakaitutu Raraba ka soli vei rau na itutu vakaemeritesi.

Na kedra volaitukutuku ni bula na iliuliu digitaki oqo e vakatekivutaki ena tabana oqo. Na nodra vagalalataki e 47 na Vitusagavulu ni iWasewase kei na nodra veikacivi e lewe va na Vitusagavulu ni iWasewase era sa kacivaki talega (raica na tabana e 30).