Mataupu Faavae o le Auaunaga

Ia Faatasi ma Faamalolosia e le Tasi le Isi

Saunia e le Au Peresitene Aoao o le Aualofa

E faamanuiaina i tatou uma pe a tatou auauna atu pe galulue foi i ai.

I lona tulaga sili, o le auauna atu e le o se auala e tasi le ala e agai i ai. Pe a tatou auauna atu i se tasi, e faamanuiaina uma lava i latou o aofia ai—o i tatou lava, o a tatou soa, ma i latou tatou te auauna i ai. Ua faamanuiaina i tatou e le tasi i le malosi o le isi. E faamanuiaina i tatou a o tatou lagolago ma fesoasoani i le tasi ma le isi i o tatou luitau. Ua faamanuiaina i tatou i sootaga ua foafoaina.

Pe a faamalamalama atu le uiga o le auauna atu i isi, na aoaoina i tatou e Elder Jeffrey R. Holland o le Korama a Aposetolo e Toasefululua, ina ia “faatasi ma i latou ma faamalolosia i latou” (Mataupu Faavae ma Feagaiga 20:53).¹ I lenei mau, e lua ni elemene taua o le a fesoasoani ia i tatou e auauna atu ai ia i latou tatou te alolofa i ai:

• Muamua, ina ia “faatasi ma” ua fautua mai ai e taua le faamasani ia i latou o e ua lava lo tatou auauna atu i ai e fausia ai se mafutaga anoa ma fausia ai se sootaga o le faatuatuaina.

• Lona lua, o le taimi lava latou te iloa ai tatou te alolofa moni ma popole mo i latou, e mafai ona tatou talanoa i auala e mafai ona tatou lagolagoina ma “faamalosia ai i latou.” I le isi itu, o le a faamalolosia foi i tatou.

O tagata e le o ni galuega faatino; o i latou o o tatou uso ma tuafafine-e malaga faatasi ma e faimalaga i le faigamalaga o le olaga. Tatou te fia savavali i le olaga faatasi, ma fesoasoani i le tasi ma le isi e saili le malosi e faatoilalo ai papupuni ma poloka tausuai i luga o le ala (tagai Eperu 12:10–13).

O le upu “faamalosi” e faaalia ai mea tatou te mananao moni i ai—e tuuina mai e la tatou fesoasoani le fesoasoani ma meafaigaluega ina ia mafai ai e tagata taitoatasi ona maua ia punaoa ma le malosi e agai ai i luma ma faatoilalo ai luitau o le olaga.

O le toatele o i tatou e lagona le le agavaa e fesoasoani i o tatou uso ma tuafafine i o latou atugaluga tulaga ese. Na faamalosiau mai Elder Holland e faapea, “E ui i mea tatou te lagonaina uma o o tatou tapulaa ma ni le atoatoa—ma e tofu uma i tatou ma luitau—ae ui i lea, tau ina ia tatou galulue faatasi ma le Alii o le tovine, ma tuu atu i le Atua ma le Tama o i tatou uma se lima fesoasoani i Lana galuega taua o le taliina o tatalo, tuuina atu o le faamafanafanaga, soloia o loimata, ma le faamalosia o tulivae vaivai.”²

O le tausaga lenei, o le a maua ai e nei Mataupu Faavae o le Auaunaga ni manatu ma punaoa e mafai ona fesoasoani e te malamalama ai i le auala e faatasi ai ma faamalolosia ai isi a o latou feagai ma luitau o le olaga.

Faamatalaga

1. Jeffrey R. Holland, “Ia Faatasi ma Faamalosi i Latou,” Liahona, Me 2018, 103.

2. Jeffrey R. Holland, “Ia Faatasi ma Faamalosi i Latou,” 103.

Ata i le taumatau saunia e Kaleidoscope Pictures

Fautuaga mo le Faatasi ma le Faamalolosia o Isi

Galulue faatasi i le fausiaina o se mafutaga anoa. O le femalamalamaa’i e sau mai le faaaluina o le taimi ma taumafaiga ia iloa e le tasi le isi. Talanoa pe faapefea ona e fia faia lena mea. E i ai se mea e fiafia pe lelei e te faasoa atu? Faamata e aoga se talanoaga masani? E mafai ona e lagolagoina le tasi ma le isi i valaauga o le Ekalesia po o tapuaiga i le malumalu?

Fefautuaai faatasi e uiga i manaoga. E leai se tasi e tatau ona faia toatasi lenei mea. O le fefautuaai ma i latou o le a fesoasoani e te malamalama faatasi ai i o latou manaoga, mea e mafai ona latou faia, ma le auala e mafai ona e fesoasoani ai.

Punaoa Aoga

O nei punaoa e mafai ona fesoasoani ia te oe i au taumafaiga e fausia ni sootaga anoa.

• Aoao atili e uiga i le fausiaina o sootaga anoa i “Mataupu Faavae o le Auauna Atu: Fausia o Sootaga Anoa,” Liahona, Aok. 2018.

• Faitau e uiga i le o mai e malamalama i e ese mai ia te oe i “Faamanuiaga o le Eseesega,” Liahona, Iulai 2019.

• Faaleleia ou sootaga e ala i le faaleleia atili o au tomai o le faalogo. Faitau “E Lima Mea e Fai e Tagata e Faalogo Lelei,” Liahona, Iuni 2018.

• O le amata ona agaalofa atili e mafai ai e oe o se uo e sili atu ona lelei. Aoao pe faapefea ona “Atiina ae le Agaga Malamalama e Auauna Atu Ai,” Liahona, Fep. 2019.

• Ina ia aoao atili e uiga i le fefautuaai faatasi, faitau “Mataupu Faavae o le Auauna Atu: Faufautua e uiga i o Latou Manaoga,” Liahona, Sete. 2018.

Faasoa Ou Lagona

Auina atu ou aafiaga faatasi ma le auauna atu i le [e-mail].