E Fetalai mai le Atua ia i Tatou i Aso Nei.

E Finagalo le Tama Faalelagi e fesoasoani mai ia i tatou. O tatou faalogologo atu ea ia te Ia?

Ata

photo of reenactment of First Vision

I le 200 tausaga ua mavae, na faaali atu ai le Tama Faalelagi ma Iesu Keriso i se talavou e igoa ia Iosefa Samita. O loo aoao mai e Lenei Uluai Faaaliga ia i tatou ni upumoni taua. Ua toe taitaia foi e Iesu se Ekalesia i le lalolagi. O loo i ai perofeta i aso nei e pei foi o aso anamua. Ma e silafia e le Atua i tatou taitoatasi i o tatou igoa ma o loo faafofoga mai i a tatou tatalo. E faamanuiaina i tatou pe a tatou taumafai e faalogo i Lona Siufofoga i aso taitasi.

O Le A Le Faaaliga?

Pe a talanoa le Atua i Ana fanau, ua ta’ua lea o le “Faaaliga.” E eseese ituaiga o faaaliga.

O faaaliga faaletagata lava ia o le fetalai mai o le Atua ia i tatou taitoatasi e ala i le Agaga Paia. E mafai ona Ia faamafanafana ma taialaina i tatou.

E mafai foi ona tatou mauaina faaaliga e uiga i le auala e fesoasoani ai ia i latou ua valaauina tatou e taitai. Mo se faataitaiga, e mafai e matua ona maua faaaliga e uiga i o latou aiga, ma e mafai e se epikopo ona maua faaaliga e uiga i lana uarota.

E na o le Perofeta lava e mafai ona maua faaaliga mo le Ekalesia atoa, ae e mafai e i tatou taitoatasi ona tatalo ia iloa pe moni mea e aoao atu e o tatou taitai.

Ata

person praying

Ata pu’e o se teineitiiti i se nofoa i le lotu e Miguel A. Honores Troncosc; ata pu’e o le tamaitai o loo tatalo na saunia e Catherine Frost; ata pu’e o le tagata na i le togavao na pueina e David Winters; Tausia e Ieova se Folafolaga, saunia e Sam Lawlor

E Mafai Faapefea ona Ou Sailia Faaaliga Faaletagata Lava Ia?

E mafai ona tatou talanoa atu i se Tama Faalelagi e alofa, e i ai le mana, ma e silafia mea uma i soo se taimi e ala i le tatalo. E finagalo o ia ina ia tatou faafetai atu ia te ia mo faamanuiaga, talanoa atu ia te ia i o tatou olaga, ma ole atu mo mea tatou te manaomia. Ona tatau lea ona tatou gauai atu i mafaufauga ma lagona e oo mai mai le Agaga Paia, o lē e faapei o se avefeau mai lo tatou Tama Faalelagi.

E Faapei Ni Lagona o Se Faaaliga?

E leai se isi auala se tasi e faamatala ai faaaliga. E fetalai mai le Atua ia i tatou taitoatasi i se auala o le a tatou malamalama ai (tagai i le Mataupu Faavae ma Feagaiga 1:24). O nisi taimi e aafia ai tagata i miti ma faaaliga. Ae o le tele o taimi, o loo fetalai mai le Atua ia i tatou e ala mai i lagona filemu ona o le Agaga Paia, e pei o le mafanafana, filemu, po o le olioli.

I le suesueina o lenei masina o le Mataupu Faavae ma Feagaiga, tatou te faitau ai e uiga ia Oliva Kaotui, o le sa aoaoina e faapea o le ‘a oo mai faaaliga i lona mafaufau ma lona loto (tagai Mataupu Faavae ma Feagaiga 8:2).

O a Nisi o Faataitaiga o le Usiusitai o Loo i ai i Tusitusiga Paia?

E tele tala o tusitusiga paia e faamatala ai le fetalai atu o le Atua i Lona nuu:

Na tau atu e le Atua ia Noa le ala e tausia ai ia saogalemu lona aiga (tagai i le Kenese 6:17–18).
Na faamafanafanaina e le Tama Faalelagi ma Iesu se soo e igoa ia Setefano (tagai i le Galuega 7:55).
Na fesoasoani faaaliga ia Nifae e tausi poloaiga (tagai i le 1 Nifae 4:6).
E ui o isi tusitusiga paia e o mai mai faamaumauga anamua, o le Mataupu Faavae ma Feagaiga e fausia i faaaliga o ona po nei. O lenei tausaga ua tatou maua ai se avanoa faapitoa e suesue ai i se tusi e tumu i afioga tuusao a le Alii.