Faasino Atu o i Tatou Uma ia Iesu Keriso

O le olaga o se faigamalaga. E mafai ona fesoasoani le Liahona.

I taimi o le Tusi a Mamona, na saunia ai e le Alii le Liahona e fesoasoani ai ia Liae ma lona aiga e aga’i ai i luma i la latou faigamalaga. O se “tapasa, lea e faasino mai ia te i latou se ala sa’o e tau atu i le laueleele na folafolaina” (Alema 37:44).

E pei foi o Liae, o loo tatou i ai i se faigamalaga. O le a i ai ia i tatou le lelei ma le leaga. La ma afā. Filemu ma tiga. Ae e ala mai i nei mea uma, o loo i ai se faamoemoega paia aua ua i ai lo tatou gafatia faalelagi. E le na ona finagalo lo tatou Tama Faalelagi ia i tatou e toe foi atu e faatasi ma Ia; E finagalo o Ia ia tatou avea atili e faapei o Ia, e ala i Lona Alo, o Iesu Keriso. Ae o nisi taimi tatou te manaomia ai le fesoasoani.

I lalo o le taitaiga a perofeta soifua, o le mekasini o le Liahona i o tatou aso ua mamanuina e fesoasoani ia i tatou e iloa ai le ala ma le auala e savavali ai. O le aoaoina ma le ola ai i le talalelei a Iesu Keriso e suia ai i tatou. Ma a tatou sopoia o tatou lava toafa ma vasa, o le a tatou iloa ai o le mulimuli atu ia te Ia e ala i le la ma le afā na faatagaina ai o Ia e faia i tatou i le mea ua Ia silafia lava e mafai ona avea ai i tatou.

Faitau i ai e aoao atili ai e uiga i le Liahona fou.

O Se Mekasini mo Loto ma Aiga Uma

Pe e te sau mai Solevenia po o Sepania, Matakasa po o Masatusa, o lenei mekasini e mo oe. Pe e te tautala faaKorea po o le faaKiripati; pe o lou fale e piliki pe ofe; pe na papatisoina oe i le 80 tausaga ua mavae ananafi pe na o ananafi. Faaipoipo, nofofua, matua, talavou—o nei itulau e tautala atu ma atagia atu ai oe. O lau molimau, lou aafiaga, lou aiga o le faatuatua. O le faamanuiaga sili lena o le i ai o se mekasini e tasi mo tagata matutua i le lalolagi atoa. E tuufaatasia ai i tatou ma faamanatu mai ai ia i tatou uma tatou te auai uma i se aiga i le lalolagi atoa ma se Ekalesia i le lalolagi atoa.

O lea la sau e faatasi ma i matou a’o matou faalatalata atili atu ia Iesu Keriso. Tasi le lomiga i le taimi, tasi le itulau i le taimi. Faatasi ai ma perofeta ma aposetolo e taialaina i tatou, ma faatasi ai ma se Faaola alofa e fesoasoani ia i tatou. O i tatou uma lava. Tuufaatasi.

O Mea e Faamoemoeina mai i le Liahona Fou

Savali mai Perofeta ma Aposetolo

O le a faaalia i le mekasini o le Liahona ia savali mai taitai o le Ekalesia i se auala e talafeagai lelei. O nei savali, i le lolomi ma le initoneti, o le a faasino atu ai i tatou uma i le Faaola.

Lagolago Atili Atu mo Tagata Uma

I se taimi muamua, o nisi tagata o le Ekalesia e na o ni nai tausaga e maua ai le mekasini, e faalagolago i la latou gagana. O Mekasini a le Ekalesia i le lalolagi atoa o le a lolomiina i masina uma po o isi masina uma i gagana e tautalagia e tusa o le 97 pasene o tagata o le ekalesia.

Isi Anotusi Faatekinolosi

Ina ia fesoasoani ia te oe e maua le anotusi musuia e te manao ai, o le a matou tuuina atu i le tele o auala e te manao ai. Vaai mo le faaleleia atili o poto masani faatekinolosi i le liahona.ChurchofJesusChrist.org, i le polokalama o le Ola Ai i le Talalelei ma le Gospel Library, e ala i imeli, ma ala atu i isi filifiliga o le a oo mai.

Aoaoina o le Talalelei e Faatotonugalemu-i-le-Aiga

O masina taitasi tatou te faasoa atu ai aafiaga, gaoioiga, ma aoaoga e fesoasoani ai i le Au Paia o Aso e Gata Ai e aoao le talalelei i le aiga ma aoao atu i a latou fanau ma e pele ia i latou.

O Tala Moni mai Tagata Moni o le Ekalesia

A o e faitau i aafiaga e siitia ai le faatuatua mai tagata o le au paia i le lalolagi atoa, o le a faamalosia ai lou lava faatuatua. Ma o le a faamanatu atu ai ia te oe tatou te auai i se mea e telē atu nai lo le uarota po o le paranesi. Faasoa atu sou aafiaga i le Liahona.ChurchofJesusChrist.org pe imeli i le liahona@ChurchofJesusChrist.org.

Tala ma Savali e Latalata i le Aiga

Ua lolomiina i le Liahona le silia ma le 60 lomiga faaitulagi lea e aofia ai itulau na faaopoopoina e faapitoa lava i nofoaga ma gagana eseese o le atunuu. O nei itulau i le lotoifale o le a fesoasoani e faafesootaia oe i le Au Paia, taitai, ma mataupu e latalata atu i le fale.