Matua ma le Faatuatua

Olioli i Tausaga Mulimuli Ane

Saunia e Scott Edgar

O tausaga matua e mafai ona avea ma se taimi matagofie o le alualu i luma ma le tuputupu ae.

O le “matutua” o le a oo mai, ua ou iloa ai ua suia lou olaga. A o ou manao pea e auai faatasi ma lou aiga ma le Ekalesia, ou te le o toaga faaletino e pei ona sa masani ai, ma o mea uma e foliga mai ua sologa lelei lava pe ou te i ai pe leai foi.

Ae o se isi mea lenei ua ou aoaoina: e le leaga uma lenei vaitau o le olaga. E moni, e i ai mafatiaga ma tiga ma isi luitau, ae o le olaga lenei o se vaega o le soloaiga masani o le olaga, ma o lenei mataupu e aumaia faatasi ai ma avanoa fou ma le tauia. Ua ou maua le mafanafana i le iloaina o loo ou fiafia lava i le aiga ma uo. Ou te talitonu o loo faatauaina pea au i le lotu. Ma, o le mea e sili ona taua, ua sili atu mea ou te iloa nai lo se isi lava taimi e faapea e moni le talalelei a Iesu Keriso.

Taliaina o Suiga

E Manino lava, e le tumau i se mea e tasi le olaga. E maoa’e. O lea la, atonu tatou te le mananao i le tulaga o lo’o tatou i ai po o ni mafutaga ina ia suia, o le a tupu ni suiga. E pei ona fai mai ai ma le manino tusitusiga paia, e faapea:

“O le mea ma lona tausaga i mea uma, ma ona lava po i mea uma lava i lalo o le lagi:

“O le taimi e fananau mai ai, ma se taimi e oti ai; o se taimi e toto ai, ma se taimi e tau ai le mea ua totoina; …

“O le Atua ua ia faia mea matagofie uma i lona taimi” (Failauga 3:1–2, 11).

Atonu ua oo ia i tatou le lagona lelei i mea sa i ai, ma e le afaina le misia o taimi ua mavae. Ae e mafai foi ona tatou maua le faatuatua, o loo i ai pea nisi mea e sili atu e tatau ona aoao a o tatou faaauau ona savavali i lenei ala o le fiafia. O le auala tatou te fetuunai ai ma taulimaina ai suiga o le a iloa ai lo tatou tuputupu ae i nei tausaga mulimuli ane. E ala i le taliaina o suiga nai lo le tau ma i latou, ua tatou faasaolotoina ai i tatou lava e matau ni avanoa fou ma malamalama i ni mea fou.

Sa ou matauina a o ou taumafai pea e mulimuli ia Iesu Keriso, o le a ou latalata atili atu ia te Ia i auala ou te lei i ai i o’u tausaga talavou. Mai Lona lava taimi i le lalolagi, ua malamalama ai Keriso i le lagona e o’o i ai a ua latalata i le iuga o le olaga faaletino (tagai i le Mataio 16:21). Ma i se auala tatou te le malamalama atoatoa ai, e silafia lelei e Ia le mea ua tatou lagonaina patino ona o Lana Togiola. E mafai ona tatou ole atu ia te Ia e fesoasoani ia avea i tatou ma tagata ua Ia finagalo tatou te oo i ai pe o fea lava le taimi tatou te tuua ai (tagai Moronae 7:48).

Faaauau e Auauna Atu

Po o le a lo tatou matutua, e mafai lava ona tatou vaai mo ni avanoa e auauna atu ai i aso uma e fesoasoani ia i tatou e saunia ai mo le auaunaga pe a mavae lenei olaga. Sa aoao mai Peresitene Siaosi Alapati Samita (1870--1951) e faapea “tatou te le o i ai iinei ia tau lava na o na faapasi taimi ai i lenei olaga ona see atu lea i se tulaga o le faaeaga; ae ua tatou i ai iinei ia faaagavaaina i tatou lava i lea aso ma lea aso mo tofiga ua faamoemoeina i tatou e lo tatou Tama e faatumu i lenei olaga.”¹

A o faatupulaia lo tatou matutua, o le a ese aafiaga “agavaa nei” mai mea sa latou i ai muamua. Sa ou vaavaai atu o ni alii talavou e laa atu i a latou matafaioi ma faataunuu ai le tele o galuega sa masani ona ou faia. E i ai i lau fanau o latou lava olaga pisi ma luitau faaleaiga, ma ua faaitiitia lo’u aafia ai. Ae e mafai ona ou talitonuina afai ou te fesoasoani pea i isi i auala e mafai ona ou i ai, o nei aafiaga o le a faaauau pea ona aoao atu ma faaleleia ai au e tusa ai ma le fuafuaga a le Atua.

Faamanuiaga ma Fesili

O a ni faamanuiaga ua e matauina mai le tuputupu ae ma matua ai? O lalo, ua ou lisiina ai nisi na ou matauina. Ua ou lisiina foi ni nai fesili mo i tatou o tagata matutua e mafaufau ai, e ui ou te manatu e mafai moni lava ona latou faaaogaina i soo se tasi.

Ou te molimau atu e mafai e i tatou taitoatasi ona filifili e taulai atu i mea e sili ona taua a o tatou mulimuli ia Iesu Keriso i o tatou tausaga faamanuiaina.

O le avea ma tausaga matua ua faamanuiaina ai au:

Le malamalamaaga sili atu o mea ua siomia ai au.
Ia lava se taimi filemu e faitau ai tusitusiga paia, mafaufau loloto, ma tatalo.
Faalogo i uunaiga a le Agaga.
O nisi taimi e asiasi mai ai o aiga ia e sili ona matagofie.
Lagona agalelei e agai atu i isi tagata ma meaola.
Fesoasoani atu ai i talafaasolopito o aiga ma galuega o le malumalu.
Itiiti faaosoosoga ia le usiusitai i poloaiga.

Fesili ifo ia te oe lava, “E mafai faapefea ona Ou …”

Auauna atu i lau Ekalesia ma le aiga i ni auala anoa?
Latalata atili i le Tama Faalelagi ma Iesu Keriso?
Aafiaga o isi mo le lelei?
Tutu ma le le pona i luma o le Atua pe a ou toe vaai ia te Ia?