Mga Baruganan sa Pagpangalagad
Sa Unsang Paagi Kita Makasuporta sa mga Ginikanan pinaagi sa Pagpangalagad
Ang mga ginikanan nagkinahanglan og gugma ug suporta sa ilang balaanong mga tahas isip mga inahan ug mga amahan.
Mga litrato gikan sa Getty Images; art sa mga bata ni Addison P. ug Hadley P.
Ang mga ginikanan nag-atubang og talagsaon ug kasagaran malisud nga mga hagit. Ang mahigugmaong suporta sa nangalagad nga mga kaigsoonan mahimo nga mahinungdanon kaayo ngadto sa kaayohan sa mga ginikanan ug mga anak. Ang Dios mopanalangin sa atong mga paningkamot samtang mangita kita og mga paagi sa paglig-on sa mga ginikanan ug mga anak sa atong mga kinabuhi.
Si Anne ug Kara mga bag-o diha sa ilang ward sa dihang si Anne gi-assign sa pagpangalagad ngadto ni Kara ug sa iyang batan-ong pamilya. Usa ka panaghigalaay dali nga milambo tali kanilang duha. Si Anne, bag-ong gikasal, nalingaw pagtabang ni Kara sa iyang upat ka gagmay nga anak nga mga babaye, kinsa lain-lain og edad gikan sa bag-ong natawo ngadto sa syete anyos ang panuigon. Usa ka adlaw, ang masuso ni Kara nasamad ang bagul-bagol nga nagkinahanglan og operasyon.
Si Anne dali nga mitabang ug mibantay sa ubang mga bata kutob ang ilang apohan nga babaye moabut aron sa pag-atiman kanila. Sa dihang miabut ang ilang apohan nga babaye, misusi si Anne kaniya aron mahibalo kon unsa nga tabang ang tingali iyang gikinahanglan, dayon midala og panihapon ngadto sa pamilya niana nga gabii. Siya usab nakigsabut sa mga silingan sa pagdala og pagkaon sulod sa pipila ka mga adlaw.
Sa pagkasunod nga adlaw dihang gisusi niya ang pamilya ni Kara, si Anne nakamatikod nga usa sa mga anak nga babaye ni Kara nabalaka mahitungod sa iyang masuso nga igsoong babaye, busa gidapit siya ni Anne sa pag-uban aron maghimo og cookies aron mahatagan siya og personal nga atensyon. Mi-text usab si Anne sa konseho sa ward sa pagpahibalo kanila kon unsay nahitabo ug misulti kanila nga siya mohatag kanila og bag-ong balita mahitungod sa sitwasyon. Sa sunod nga semana, samtang ang masuso nagdawat og pagpatambal, gipahibalo ni Anne ang konseho sa ward og bag-ong balita ug giatiman ang mga panginahanglan sa pamilya. Ang tabang ni Anne naghatag ni Kara og panahon ug kalinaw sa hunahuna isip usa ka ginikanan diha sa usa ka malisud, makuyaw nga sitwasyon.
Mga Sugyot sa Pagpangalagad sa Pagsuporta sa mga Ginikanan
1. Kunhori ang tataw nga nakapaugtas nga gibati sa mga ginikanan. Kon ang pamilya nagsinati og kaugtas, ang inyong relasyon makasagang sa kaugtas nga naghimo niini nga malisud alang sa mga ginikanan nga mahimong lig-on ug mahigugmaong nag-atiman diha sa mga kinabuhi sa ilang mga anak. Ang mga paagi sa pagtabang mahimong maglakip sa:
-
Pagtinguha nga makasabut sa mga tinubdan sa kaugtas. Pagkamahimong tigpaminaw samtang ikaw maminaw og maayo. Pagpadayon sa pagsunod og mga panghunahuna.
-
Pagtudlo og mga kahanas sa pagpangita og trabaho, pagtabang sa pag-usab sa ilang budget, o sa pagpangita og mga oportunidad alang sa pang-edukasyon o pagbansay.
-
Pagtabang sa pagkonektar kanila ngadto sa mapuslanon nga mga kapanguhaan, sama sa pagbarug sa kaugalingon nga paningkamut nga mga kurso, o pagtabang kanila sa pagkompleto sa mga papeles alang sa pinansyal nga tabang o mga serbisyo.
2. Paglig-on sa abilidad sa mga ginikanan sa pagpas-an sa kabug-at. Mahimong maglakip kini sa:
-
Pagsangkap kanila uban sa pipila ka mga kapanguhaan sa Simbahan nga makatabang sa ilang piho nga sitwasyon.
-
Pag-iskedyul og regular nga mga panahon sa paghatag og emosyonal nga suporta pinaagi sa pagpaminaw ug paghupay.
-
Paghimo og panahon alang sa usa ka ginikanan sa pag-amuma sa iyang kaugalingon.
3. Pagpalambo sa ilang kalig-on ug paglaum samtang ikaw:
-
Nagpahayag og paglaum ug hugot nga pagtuo diha kang Kristo ug sa pagpaduol kanila ngadto Kaniya alang sa kalinaw ug suporta.
-
Nagtabang kanila sa paghatag og bili sa katahum sa kalisud, samok nga mga higayon sa pagkaginikanan ug sa panghimatuod kanila nga wala sila mag-inusara sa masakit nga mga panahon.
-
Nagpakita kanila og gugma ug nag-ila kanila alang sa dako kaayong buhat nga ilang gihimo.
4. Naghimo og kalingawan. Ang usa sa labing malisud nga mga hagit alang sa mga ginikanan kinsa nanlimbasug mao ang pagbaton og igong kaabtik sa pagdula ug paglingaw-lingaw uban sa ilang mga anak. Ikaw makatabang samtang ikaw:
-
Maghan-ay og usa ka panihapon o usa ka dula sa gabii.
-
Magsaulog sa mga higayon nga mga importante ngadto kanila, sama sa mga adlaw nga natawhan, mga adlaw nga walay trabaho, o ubang importante nga mga hitabo.
-
Magdapit kanila nga moapil uban kaninyo sa inyong kaugalingong giplano nga mga kalihokan.