Alang sa mga Ginikanan

Ang Diosnong Kapangulohan ug ang Paghigugma sa Uban

Minahal nga mga Ginikanan,

Kini nga isyu niini nga bulan naglakip sa mga hilisgutan sama sa Diosnong Kapangulohan, ang tahas sa mga ginikanan, pagpasaylo, ug pagserbisyo ngadto sa tanang mga anak sa Dios—walay pagsapayan diin sila nagagikan o asa sila padulong. Ang mga artikulo sa ubos makatabang kanimo samtang ikaw magtudlo niini nga mga baruganan sa imong panimalay.

Mga Panaghisgutan sa Ebanghelyo

Ang Diosnong Kapangulohan

Gamita ang “Mga Sukaranan sa Ebanghelyo” sa pahina 6 sa pagtudlo sa imong mga anak mahitungod sa Diosnong Kapangulohan. Unsa ang indibidwal nga mga tahas sa Langitnong Amahan, ni Jesukristo ug sa Espiritu Santo? Sa unsang paagi Sila nag-uban sa pagtrabaho aron matuman ang Ilang mga katuyoan? Sa unsang paagi ang inyong pamilya nagtrabaho uban sa mas dako nga panaghiusa aron matuman ang mahinungdanon nga mga butang?

Mga Konseho sa Pamilya

Kita gitudloan nga ang mga konseho sa pamilya kanunay nga gikinahanglan ug mahangturon (tan-awa sa M. Russell Ballard, “Mga Family Council,” Liahona, Mayo 2016, 63). Ang artikulo sa pahina 12 naghatag og pipila ka mga giya alang sa epektibo nga mga konseho sa pamilya. Sa unsang paagi kaha ang inyong pamilya magbansay niadto?

Pagkaginikanan

Sa pahina 8, si Elder Jeffrey R. Holland sa Korum sa Napulog Duha ka mga Apostoles nagpakigbahin kon sa unsang paagi siya nakakat-on og importanting leksyon mahitungod sa pagpaduol ngadto sa iyang anak nga lalaki. Hunahunaa ang pagbasa niini nga artikulo uban sa imong kapikas ug paghisgot kon sa unsang paagi kamo makabutang og mas maayo sa inyong mga anak diha sa inyong mga kasingkasing.

Pagtabang ngadto sa mga Bakwit [Refugees]

Kita gihangyo sa pagserbisyo sa mainampoong paagi sa mga tawo kinsa napapahawa, lakip sa mga refugee, nga nagpuyo sa atong mga komunidad. Basaha ang artikulo sa pahina 18. Hisguti kon unsa nga mga panginahanglan ang mga tawo sa inyong dapit tingali aduna, ug paghimo og mga plano sa pagserbisyo ug sa pakighigala kanila.

Dali, Sunod Kanako nga Suporta

Tan-awa sa mga pahina 34–37 alang sa materyal nga nagsuporta sa inyong pamilya nga pagtuon sa Doktrina ug mga Pakigsaad niini nga bulan.

Lingaw-lingaw nga Pamilya nga Pagtuon

Tuyok-tuyoka kini sulod sa usa ka Minuto

Doktrina ug mga Pakigsaad 64:33

1. Ang tanan manglingkod nga mag-alirong. Hisguti ang pipila ka ginagmay nga mga buhat sa pagkamabination nga ang mga sakop sa pamilya makahimo alang sa usag usa.

2. Pagbutang og usa ka lapis diha taliwala sa alirong.

3. Pagpuli-puli sa pagpatuyok sa lapis.

4. Bisan kinsa ang itudlo sa lapis kinahanglan gayud nga molihok og daghang pagkamabination kutob sa mahimo sa usa ka minuto.

5. Ipadayon hangtud ang matag tawo adunay labing minos usa ka turno.

Panaghisgutan: Unsa nga mga buhat sa pagkamabination kita makahimo alang sa atong mga silingan, mga miyembro sa ward, atong mga kaugalingon? Sa unsa nga paagi nga ang bisan gamay, yanong mga buhat mogiya ngadto sa mahinungdanon nga mga butang?

Gisumiter ni Mitzi Schoneman

Sunda ang Propeta

Doktrina ug mga Pakigsaad 69

Si Oliver Cowdery gitudlo sa pagdala sa manuskrito sa Basahon sa mga Sugo ngadto sa Independence, Missouri. Ang Ginoo misugo ni John Whitmer sa pag-uban kaniya (tan-awa sa Doktrina ug mga Pakigsaad69:2).

1. Pagpakaaron-ingnon nga ang Ginoo misugo kaninyo sa paghatud sa manuskrito sa Basahon sa mga Sugo (nga sa kadugayan nahimong Doktrina ug mga Pakigsaad).

2. Unsa ang kinahanglan nimong buhaton aron sa pag-amuma niining importanti nga basahon?

3. Paghunahuna og higayon nga ang usa ka tawo misalig kanimo sa paghuman sa usa ka importante nga buluhaton.

4. Unsa nga mga lakang ang imong gihimo aron sa pagtuman sa buluhaton?

Panaghisgutan: Nganong importante ang pagsunod sa direksyon sa mga lider sa Simbahan? Sa unsang paagi ang pagsunod sa atong propeta ug sa ubang mga lider sa Simbahan makapanalipod kanato?

Gisumiter ni Lisa Thomas

Ancestor Treasure Hunt

Doktrina ug mga Pakigsaad 69:8

Ang Ginoo misugo ni John Whitmer sa pagkolekta ug sa pagrekord og kasaysayan sa Simbahan, “magsulat, magkopya, magpili ug magbaton sa tanang mga butang nga alang sa kaayohan sa simbahan, ug alang sa nagtubo nga mga kaliwatan” (Doktrina ug mga Pakigsaad 69:8). Timan-i kon unsa ka importante ang pagtipig og rekord diha sa Simbahan.

1. Pangita og usa ka katigulangan sa FamilySearch.org o sa ubang mga rekord sa family history.

2. Basaha ang iyang journal o mga panumduman sa mga sakop sa pamilya mahitungod niini nga tawo.

3. Paghingalan og pipila ka maayong mga butang mahitungod sa imong katigulangan.

4. Sa unsang paagi nga ikaw sama sa imong katigulangan?

5. Sa unsang paagi kiini nga mga rekord sama sa usa ka bahandi nganha kanimo?

Panaghisgutan: Paghisgot sa mga butang nga natuman sa imong mga katigulangan. Hisguti kon sa unsang paagi ang ilang mga kinabuhi mipanalangin sa imong kinabuhi. Pagpakigbahin og mga paagi nga ang imong kinabuhi sama sa ila. Pagsulti mahitungod og mga paagi nga ang imong kinabuhi lahi kay sa ila.

Gisumiter ni Crystal Wallace

Niini nga Bulan sa Alang sa Kalig-on sa mga Kabatan-onan nga Magasin

“Makahimo ka sa Pagpakigbahin sa Ebanghelyo sa Sagad nga Paagi”

Usahay ang pagpakigbahin sa ebanghelyo ngadto sa uban ingon og makahadlok. Kini nga artikulo nagpakigbahin og duha ka mga istorya nga nagtudlo sa mga kabatan-onan kon unsaon ang pagkamisyonaryo mahimong makalingaw ug sayon! Pakigbahin sa imong pamilya ug hisguti ang ubang mga paagi nga ikaw makahimo sa pagpakigbahin sa ebanghelyo ngadto sa uban.

“Barug nga Lig-on”

Niini nga artikulo, si Sister Lisa L. Harkness, Unang Magtatambag sa Kinatibuk-ang Kapangulohan sa Primary, mipakigbahin og tulo ka baruganan gikan sa Josue 24:15 kon unsaon sa pagbarug nga lig-on diha sa ebanghelyo.

Mga Pangutana ug mga Tubag

Nanlimbasug sa pakig-uban ngadto sa imong tinedyer? Sulayi ang pagbasa og mga ideya ug mga sugyot gikan sa mga kabatan-onan sa tibuok kalibutan kabahin kon unsaon nila pagtukod sa ilang relasyon ngadto sa ilang mga ginikanan. Hisguti isip pamilya kon sa unsa nga paagi ikaw molambo. Usab niini nga artikulo mao ang usa ka pangutana mahitungod sa bili sa kaugalingon ug kon sa unsang paagi ang Ginoo gusto kanato nga mahimong mapainubsanon nga dili ipaubos ang atong mga kaugalingon.

Makalingaw nga Seksyon

Kini nga seksyon tanan mahitungod og makalingaw! Tan-awa kon ikaw ug ang imong tin-edyer makasulbad ba sa mga misteryo sa tigmo sa binhi o makahuman ba sa puzzle bahin sa litrato.

Niini nga Bulan sa Higala nga Magasin

Dali, Sunod Kanako alang sa Gagmay nga mga Bata

Pangita og sinemana nga mga ideya sa pamilya nga pagtuon ug mga kalihokan diha sa “Makalingaw nga Panahon sa Kasulatan.” Alang sa gagmay nga mga bata, pangita og dugang pa nga Dali, Sunod Kanako nga mga tabang nga leksyon diha sa seksyon sa Alang sa Gagmay nga mga Bata.

Binulan nga Istorya sa Kasulatan

Basaha ang mahitungod sa kaisug ni Mary Elizabeth ug Caroline Rollins samtang ilang giluwas ang mga pahina sa Basahon sa mga Sugo gikan sa nasuko nga pundok sa mga manggugubot.

Pagdapit sa Matinabangong mga Kamot [Helping Hands]

Tabangi ang imong mga bata sa paghimo sa kalihokan niini nga bulan gikan sa grupo sa Matinabangong mga Kamot! Pangita usab og talagsaong mensahe gikan ni Sister Sharon Eubank, Unang Magtatambag sa Kinatibuk-ang Kapangulohan sa Relief Society, mahitungod sa ubang mga bata nga nagserbisyo sa tibuok kalibutan.

Kalig-on sa Pagkat-on

Tudloi ang imong mga anak mahitungod sa kalig-on diha sa pahina sa journal niini nga bulan.

Pagpangalagad diha sa Panimalay

Basaha ang “Usa Ka Pag-ampo alang ni Papi” aron mahibaloan kon giunsa sa usa ka batang babaye gikan sa Guatemala pagbati og kadasig sa pagserbisyo sa iyang papa.