Sau, Mulimuli Mai ia te A’u
Mauaina o le Mana Faaleatua
Ata na tusia e Bryan Beach
“I sauniga [o le Perisitua Mekisateko], ua faaalia ai le mana o le faale-atua” (Mataupu Faavae ma Feagaiga 84:20).
O le Auala e Alualu Ai i Luma i le Ala o Feagaiga
O sauniga o le perisitua tatou te mauaina, e sili atu nai lo na o se lisi. Sa aoao mai Peresitene Tad R. Callister, o le sa avea muamua ma Peresitene Aoao o le Aoga Sa, e faapea “e tofu ma se mana faaleatua” i o tatou olaga.1
Gaoioiga
Mea e manaomia: penitala, se fasi pepa e i ai ni koluma se lua ua faaigoa “Igoa” ma le “Fuafuaga mo le isi sauniga e sosoo ai pe manaomia.”2
Faatonuga: Lisi tagata taitoatasi o le aiga ma mafaufau po o le a le mea o le a fesoasoani ia i latou e saunia ai mo le isi a latou sauniga (e aofia ai le faamanatuga). Mo se faataitaiga, atonu o le a i ai i matua se tamaitiiti e lata i le tausaga e papatiso ai, pe o le a i ai se tei matua po o se talavou o loo sauniuni mo le mauaina o sauniga o le malumalu. E mafai ona e faamaeaina faatasi lenei gaoioiga mo afiafi faaleaiga ma fatuai ni fuafuaga patino e fesoasoani ai i le tasi ma le isi e agai ai i luga o le ala o feagaiga.
Faamanuiaga
O le mauaina o le mana o sauniga o le perisitua, e mafai ai ona tatou avea atili e faapei o Iesu Keriso. O le meaalofa o le Agaga Paia o le a faamalamalamaina ai o tatou mafaufau ma faamaluluina ai o tatou loto ia mafaufau ma lagona atili e pei o Ia.3 Ma o le fesootai atoatoa ma le mana o le Atua o le a fesoasoani i lou aiga e faatoilalo ai e oo lava i tofotofoga e aupito sili ona faigata.4
Talanoaga
Ua faapefea ona aumaia le mana i lou olaga ona o le auai i sauniga? E mafai faapefea ona e fesoasoani i tagata o lou aiga e saunia mo le mauaina o le isi a latou sauniga?