E Faafeiloai atu i Lenei Lomiga
O Le Mana o le Perisitua
E Toe Afio Mai o Ia e Pule ma Nofotupu, saunia e Mary Sauer
“Sa i ai i le Faaola le mana paia ma le pule, ma sa Ia faasoaina mai,” sa tusia ai e Peresitene Dallin H. Oaks, o le Fesoasoani Muamua i le Au Peresitene Sili (tagai i lana tusiga i le itulau e 6). Ua aoao mai Peresitene Oaks i le auala e ese ai le pule o le perisitua i Le Ekalesia a Iesu Keriso o le Au Paia o Aso e Gata Ai mai isi ekalesia ma faamatala ai, “O sauniga o le faaolataga ma le faaeaga e taua i le fuafuaga sili a le Atua mo Lana fanau.”
Na faaiu le saunoaga a Peresitene Oaks i le valaauliaina o i tatou e saili “mo le oo mai o le aso tele o le Alii” (Mataupu Faavae ma Feagaiga 45:39). Na ia fesili mai, “Afai tatou te iloa o taeao le aso tatou te fetaia’i ai ma le Alii—e ala i lo tatou oti, po o Lona afio mai foi—o le a sa tatou mea e fai i le aso?”
O isi tusiga o le a fesoasoani i au suesuega o le Sau, Mulimuli Mai ia te A’u i le Mataupu Faavae ma Feagaiga o loo maua i itulau e 26–33.
O le isi autu taua i lenei lomiga o le ola maloloina faalemafaufau ma le maufetuunaʻi faalelagona. E mafai ona sili atu ona tatou feagai ma o tatou tofotofoga, a o tatou lagolagoina le tasi ma le isi e ala i taimi faigata ma aoao e filifili mafaufauga e fesoasoani tatou te tumau lelei ai. O nisi o tusiga ua fuafuaina e aoao mai ai ia i tatou le auala e fai ai na o na mea (tagai i itulau e 12, 16, 18, ma le 20).
Tau mai ia i matou pe e te mauaina nei mataupu ma isi tusiga i le lomiga e aoga ma musuia. E mafai ona e faafesootai mai i matou i le imeli liahona@ChurchofJesusChrist.org.
Ma le faamaoni lava,
Ryan Carr
Liahona Pule Faatonu Lagolago