Mo Matua

Aoao Atu e Uiga i le Perisitua ma Sauniuniga

a young man in a wheelchair blessing the sacrament

Matua Pele,

O autu mo lenei masina e aofia ai le perisitua, soifua maloloina o le mafaufau, ma sauniuniga faaleagaga ma faaletino. Faaaoga le vaega lenei e aumai ai ni manatu i le auala e mafai ona e faaaogaina ai lenei faafitauli e fesoasoani ai ia te oe e iloa faafitauli patino atonu o loo feagai ma lau fanau ma fesoasoani ai ia te oe e aoao atu le talalelei a Iesu Keriso i lou aiga.

Talanoaga o le Talalelei

Perisitua

A o e aoao atu lau fanau e uiga i le perisitua ma sauniga o le perisitua, faaaoga le “Faavae Autu o le Talalelei” i le itulau e 10 e faaopoopo atu i le tusiga a Peresitene Dallin H. Oaks i le itulau e 6. Ia talanoaina ma lau fanau le taua o le perisitua ma le auala e faamanuia ai e le Alii o tatou olaga e ala mai i le perisitua.

Soifua Maloloina Faalemafaufau

O le tusiga “E Faapefea ona Ou Fesoasoani i se Tamaitiiti O Loo Lagonaina le Atuatuvale?” i le itulau e 16 o loo talanoa mai ai e uiga i nisi o auala e mafai ona e iloa ai faailoga o le atuatuvale i lau tama ma fautuaina mai ai nisi o auala maloloina e taulimaina ai. Faaaoga le tusiga lenei faatasi ma tusiga o loo i itulau e 12 ma le 18 e fesoasoani ai i lau fanau e taulimaina ai luitau o le soifua maloloina faalemafaufau.

Sulufaiga Faaleagaga ma le Faaletino

O le tusiga i le itulau e 20 e mafai ona fesoasoani i lou aiga e atiina ae se fuafuaga e saunia ai mo faalavelave faafuasei pe afai e te lei faia. O le mea e sili atu ona taua, o loo aoao mai ai foi nisi o mea e tutusa ai mo lo tatou saunia faaleagaga.

O Fesoasoani mo Suesuega mai le Sau, Mulimuli Mai ia te A’u

Tagai i le itulau 26 mo tusiga e lagolago ai suesuega a lo outou aiga i le Mataupu Faavae ma Feagaiga i le masina lenei.

Sau, Mulimuli Mai ia te A’u Mea Faafiafia a le Aiga

group of siblings in line against white wall

Luga: ata pue mai le Getty Images

Ia Faatulaga Tatau Outou Lava

Mataupu Faavae ma Feagaiga 88

E mafai ona mulimuli o tatou aiga i le ata lenei: “Ia faatulaga tatau outou lava; ia saunia mea manaomia uma; ma faatu sefale, o se fale lava o le tatalo, o se fale o le anapogi, o se fale o le faatuatua, o se fale o le aoaoga, o se fale o le mamalu, o se fale o le faatulagaga tatau, o se maota o le Atua” (Mataupu Faavae ma Feagaiga 88:119).

Faatulaga auala e faatulaga ai ni mea ina ia saunia ai se gaoioiga po o se mea na tupu.

Faatulaga o outou aiga i auala eseese:

1. Fai atu ia i latou e tutu i le laina mai le matua i le uii.

2. Fai atu ia i latou e tutu i le faasologa faaalafapeta, e tusa ai ma o latou igoa muamua.

3. Fai atu ia i latou e tutu e tusa ai ma le masina na latou fananau ai.

Talanoaga: E finagalo faapefea le Faaola ia i tatou e faatulaga i tatou lava (1) i a tatou galuega i le fale, (2) i a tatou suesue faaleagaga, (3) i a tatou tapuaiga i le lotu ma i le malumalu?

O a ni sini e mafai ona setiina e lou aiga e fausia ai se “fale o le Atua”?

Auina atu e Lisa Thomas

Taufetuli a e Le Vaivai

Mataupu Faavae ma Feagaiga 89

I le Mataupu Faavae ma Feagaiga 89, na tuuina mai ai e le Alii se faaaliga na taua o le Upu o le Poto.

1. A uma ona faitau le vaega 89, fai atu i tagata uma e tutu i le ogatotonu o se potu.

2. Filifili le itu e tasi o le potu e fai ma itu “lelei” ae o le isi itu o le potu e fai ma itu “e le lelei”.

3. Tuu atu i se tagata o le aiga e faitau ia fuaiupu 5–17.

4. O le a see atu isi tagata o le aiga i le itu a le o le “lelei” pe “le lelei” o le potu, e faalagolago i le faamatalaga o i lena fuaiupu. Pe o se mea lelei ea mo o tatou tino pe leai?

Talanoaga: O a folafolaga o loo aofia mai i le Mataupu Faavae ma Feagaiga 89:18–21? E mafai faapefea e le tausia o o tatou tino ona faaleleia lo tatou sootaga faaleagaga ma le Alii?

Auina atu e Mitzi Schoneman

I le Mekasini o le Mo le Malosi o le Autalavou i le Masina Lenei

Faatuina o Sini

Pe o tauivi ea lou alo talavou e fai ma tausia ni sini? Mulimuli i mataupu faavae o loo i lenei tusiga e aoao ai i latou i le auala e vaevae ai faalaiti a latou sini i ni vaega laiti e faigofie ona ausia.

“Gasegase o le Mafaufau: O le Auala e Mafai ai Ona e Fesoasoani!”

I lenei tusiga, o loo faasoa atu e talavou e toatolu a latou tauiviga i le popolevale, atuatuvale, ma faaletonu i le taumafa. Aoao faatasi ma lou alo talavou e uiga i auala e fesoasoani lelei ai ma malamalama ai i nei tagata—ma le mea e fai pe afai e i ai sou mai faalemafaufau.

“Tamaitai Talavou ma le Perisitua: O Mea e Manaomia Ona E Iloa”

Faitau upu mai le perofeta ma isi taitai o le Ekalesia e aoao ai lou aiga e uiga i le sootaga a tamaitai talavou ma le mana ma le pule o le perisitua.

I le Mekasini o le Uo o Lenei Masina

“Tausia o Au Lava!”

Faaaoga le gaoioiga lenei e aoao ai lau fanau e uiga i le tausia o i latou lava e ala i le ola ai i le Upu o le Poto ma le faafaileleina o lo latou soifua maloloina faaleagaga ma le faalelagona.

Fesoasoani mo le Suesueina o Tusitusiga Paia

Saili ni gaoioiga malie-faaleaiga mo vaiaso taitasi o le Sau, Mulimuli Mai ia te A’u i le masina lenei.

“O Le Perisitua ma A’u”

Faitau se savali e uiga i faamanuiaga faaleperisitua mai ia Elder Steven R. Bangerter o le Fitugafulu. Ia vaavaai foi mo se itulau i le vaega Mo Tamaiti Matutua e uiga i le mafuaaga e taua ai le perisitua i teineiti ma tamaiti.

Auai atu i le Vaega a Lima Fesoasoani

Faitau e uiga i se tamaitiiti i Iurukuei o le e fesoasoani i tagata i lona nuu. Ona fai lea o le gaoioiga o lima fesoasoani o le masina lenei!

“O Loo Faalogoina Pea le Pese a Tama”

O se mea le fiafia lea ina ua fai mai lana uo o le a le alu tama i le lagi ona na maliu o ia e ala i le pule i le ola. Faitau le tala lenei e fesoasoani e te maua ai se talanoaga ma lau tama e uiga i le pule i le ola ma le faanoanoa.