Dali, Sunod Kanako

Unsa ang gitudlo sa Doktrina ug mga Pakigsaad mahitungod sa kinabuhi human sa kamatayon?

Doktrina ug mga Pakigsaad 137–138

Mga paghulagway pinaagi ni Bryan Beach

Si Propeta Joseph Smith (1805–1844) ug si Presidente Joseph F. Smith (1838–1918) nakakita og mga panan-awon sa kinabuhi human sa kamatayon. Kini nga mga pagpadayag naghatag kanato og bililhon nga impormasyon mahitungod sa unsay atong masinati sa sunod nga kinabuhi.

• Unsay mahitabo sa mga bata kinsa mamatay sa dili pa sila moabot sa edad nga may tulubagon? (Tan-awa sa Doktrina ug mga Pakigsaad 137:10.)

• Kinsa ang gibisita sa Manluluwas sa kalibotan sa espiritu? (Tan-awa sa Doktrina ug mga Pakigsaad 138:12–22.)

• Kon kita mabanhaw, unsay mahitabo sa atong mga espiritu ug sa atong mga lawas? (Tan-awa sa Doktrina ug mga Pakigsaad 138:16–17.)

• Kinsa ang makakat-on mahitungod sa ebanghelyo sa kalibotan sa espiritu? (Tan-awa sa Doktrina ug mga Pakigsaad 138:29–35.)

• Unsay mahitabo niadtong anaa sa kalibotan sa espiritu kinsa maghinulsol sa ilang mga sala? (Tan-awa sa Doktrina ug mga Pakigsaad 138:58–59.)

Panaghisgotan

Unsay inyong makat-onan gikan sa Doktrina ug mga Pakigsaad 138:1–11 mahitungod sa pagdawat og pagpadayag? Unsaon ninyo nga mas makaandam sa pagdawat og personal nga pagpadayag sa inyong kinabuhi?

Tungod kini nga kinabuhi mao ang panahon sa pagpangandam sa pagsugat sa Dios, unsaon ninyo sa pagtabang niadtong naglibot kaninyo nga makadungog sa mensahe sa ebanghelyo mahitungod sa paghinulsol?