Dali, Sunod Kanako
Ngano nga mausab usahay ang polisiya sa Simbahan?
Opisyal nga mga Pahayag 1 ug 2
Paghulagway gikan sa Getty Images
Sa kataposang 200 ka tuig, ang Ginoo mipadayag og daghang kamatuoran ngadto sa Iyang mga propeta. Ang pipila ka pagpadayag mosangpot sa mga kausaban sa polisiya, sama niadtong makit-an sa Opisyal nga mga Pahayag. Ang mga pagpahiuyon natural nga kabahin sa tinuod ug buhi nga Simbahan. Apan, ang doktrina—ang sukaranan, mahangtoron nga mga kamatuoran sa ebanghelyo—dili gayod mausab. Kini nga paghulagway makatabang kanato nga makakita sa relasyon tali sa polisiya ug doktrina sa Simbahan.
Sama nga ang mga gamot mao ang mga paagi diin ang usa ka kahoy makadawat og kinabuhi, ang Langitnong Amahan, si Jesukristo, ug ang Espiritu Santo naghatag og espirituhanong kinabuhi ngadto sa plano sa kaluwasan. Ang ebanghelyo, pagpadayag, ug ang pagkapari nagagikan sa Dios nga Kapangulohan.
Ang doktrina sa ebanghelyo mahangtoron ug dili mausab ug nagagikan sa Dios nga Kapangulohan. Ang doktrina nag-impluwensiya sa mga polisiya ug mga binuhatan sa Simbahan.
Ang polisiya sa Simbahan gigiyahan sa doktrina apan ubos sa mga pagpahiuyon, ingon nga gipadayag sa Ginoo ngadto sa Iyang propeta. Sama sa mga sanga sa kahoy, ang polisiya “motubo” o mopahiuyon ingon nga gigiyahan pinaagi sa doktrina ug pinaagi sa pagpadayag. Ingon nga dinasig gihapon, ang polisiya dili mahangtoron sama sa doktrina sa Simbahan.