Ang Pagtubo sa mga Kapanguhaan sa Family History
Ang pagtubo sa mga kapanguhaan sa family history ug ang paggamit niini nagpakita sa naggiya nga kamot sa Ginoo diha sa importanting buhat sa Simbahan, ug kini nagpakita sa Iyang gugma alang kanato ug sa atong mga pamilya—sa duha ka habig sa tabil.
1894: Gisugdan sa Genealogical Society of Utah (karon ang FamilySearch) ang librarya niini nga anaay usa ka koleksiyon nga 300 ka mga libro. Karon ang FamilySearch adunay kapin sa 503,000 ka digital nga mga libro.
1934: Ang Genealogical Society sa Utah adunay kapin sa 6,000 ka miyembro. Karon, adunay mga kapin sa 18.7 ka milyon ang narehistro sa FamilySearch.org nga mga tiggamit.
1964: Ang mga librarya sa Genealogy sa mga sentro nga stake gisugdan sa pagtukod. Karon aduna nay kapin sa 5,200 ka mga sentro sa family history sa 145 ka mga nasod.
1999: Ang FamilySearch gilunsad sa internet. Karon anaa na sa 30 ka mga pinulongan, kapin sa 150 ka milyon ka tawo ang nakabisita sa FamilySearch.org aron mas makakat-on pa mahitungod sa ilang panulundon sa pamilya.
2010: Gilunsad ang bag-ong Record Search sa FamilySearch.org nga adunay usa ka bilyon ka mga ngalan ug minilyon ka mga imahe. Karon adunay 8.4 ka bilyon nga mapangita nga mga ngalan ug 4.4 ka bilyon nga digital nga mga imahe ang gimantala.
2017: Gisugdan ang pag-indeks base sa web, human sa 11 ka tuig nga pag-indeks base sa software. Sukad niadtong 2017, labaw sa 800,000 ka boluntaryo sa pag-indeks ang nag-apil.
2021: Kapin sa 1 ka milyon ka sumasalmot sa family history ang miapil sa RootsTech Connect.