NODA TABANA
Vosa o Elder Nattress vei ira na iTabagone sivia e dua na Udolu e American Samoa
Sivia e dua na udolu na itabagone era vakasinaita na vale ni iteki e Pago Pago eLoma ena yakavi ni SigaTabu, ka 7 ni Noveba, me ra rogoca na nodra iliuliu ni Lotu o Elder K. Brett Nattress.
O Elder Nattress e iMatai ni Daunivakasala ena Mataveiliutaki ni Wasewase Pasifika ni Lotu i Jisu Karisito ni Yalododonu Edaidai.
O Elder Faapito Auapa’au, na Vitusagavulu ni Wasewase e vosa talega ena soqoni ni lotu ni itabagone.
Era gole mai na itabagone mai na veitabana mai na yanuyanu e robota tiko na lima na iteki e American Samoa.
Tukuna o Elder Nattress, “O Peresitedi Nelson e sa solia vei vuravura na ivakasala vakaparofita ena gauna dredre eda bula tiko kina oqo. E gadrevi me da vakabauti Jisu Karisito. Ka dodonu me da dau nanuma na noda kilai keda ni da luvena tagane kei na yalewa ni Kalou, kei na noda inaki lesi vakalou.”
Tomana o koya: “O ira na itabagone era vakarautaka eso na vakasama veivakauqeti. Sa o ira oqo na iliuliu ni Lotu ena siga mai liu. E dua na veivakalougatataki levu neitou veivakasalataki vata kei na vuli vuli ka mai vei ira. E kaukauwa na nodra vakabauti Jisu Karisito ka caudre vinaka tu na veisiga e sebera mai.”
E dua vei ira na iliuliu era a tiko ena soqoni oqo a kaya. “Era vesuka vinaka toka na nodra vakasama na itabagone ena loma ni dua veimama na aua, vakavulici ira tiko na vakavuvuli ni kosipeli mai na vakavuvuli nei Peresitedi ni Lotu o Russell M. Nelson kei na lewe ni Kuoramu Apositolo Le Tinikarua.”
E dua na gone tagane mai na Tabanalevu e Malaeimi a tukuna ni vulica na “gaunisala ki na Matanitu ni Kalou sa okoya na Vale Tabu.”
E dua na gone yalewa mai na iteki ena Ra kei Pago Pago e kaya, “Na noda dau masumasu ka vakila na yalo ni Turaga, au rawa ni vakila kina ni na tu vakarawarawa o Jisu vei au.”
E dua dina na porokaramu era vakaitavi kece kina, nona taubale voli o Elder Nattress ena loma ni olo me rogoca na nodra veiwaseitaka na itabagone ena nona taroga tiko na sala era biuta kina na iVakabula ena lomadonu ni nodra bula.