Dali, Sunod Kanako

Isaias 50–57

Nganong Gihulagway ni Isaias si Jesukristo isip usa ka Nating Karnero?

Sa mga panahon sa Daang Tugon, ang balaod ni Moises nagkinahanglan nga ang mga anak sa Israel mosakripisyo gikan sa ilang mga panon ug mga kahayopan og “usa ka laki nga walay tatsa” ug “ihalad [nila kini sa ilang kaugalingong kabubut-on]” (Levitico 1:3). Sa ingon, si Isaias mitudlo nga si Jesukristo “sama sa nating karnero nga gidala ngadto sa ihawan” (Isaias 53:7).

Daghang simbolo sa Daang Tugon, sama sa pagsakripisyo og hayop, gituyo sa pagpahinumdom kanato sa Manluluwas. Ikonsiderar ang mosunod nga mga asoy ug kon sa unsang paagi kini nagpunting ngadto kang Kristo ug sa Iyang Pag-ula:

• 

  Mga paghulagway pinaagi ni Neil Webb

  Ang panagna ni Enoch sa Nating Karnero nga “gipatay gikan sa katukoran sa kalibotan” (Moises 7:47)

• 

  Si Abraham nga andam nga mosakripisyo ni Isaac (tan-awa sa Genesis 22:8–14)

• 

  Ang unang Pagpalabay (tan-awa sa Exodo 12:5–7)

Panaghisgotan

Dili na kita mosakripisyo og mga hayop, apan gihangyo kita sa pagsakripisyo og ubang mga butang. Ikonsiderar kini nga mga pangutana samtang hisgotan ninyo ang sakripisyo sa modernong panahon:

• Unsay gihangyo sa Ginoo kanato nga “[i]halad [isip] usa ka sakripisyo”? Tan-awa sa 3 Nephi 9:20.

• Unsa ang gisaad sa Ginoo isip bugti alang niini nga sakripisyo? Tan-awa sa Doktrina ug mga Pakigsaad 21:9.