Stap Mekem Wok blong Givhan wetem Bigfala Save

Yu no nid blong gat evri ansa, be blong kam blong save Hem moa bae i helpem yumi mekem wok blong givhan olsem we sevya i bin mekem.

Jisas I Bin Soem long Yumi wan Wei blong Stap Lanem Samting

Taem we Sevya i groap, Hem “ i kam bigwan, mo hem i kam waes we i waes. Mo oltaem God i stap mekem i gud tumas long hem” (Luk 2:40). Toktok ia waxed[gruap] i minim blong gro sloslo, olsem mun i stap gro sloslo blong kam fulwan truaot long manis. Luk i ademap se “Jisas i stap groap moa long bodi blong hem mo long waes blong hem tu. Mo oltaem God i glad tumas long hem, mo ol man tu oli glad tumas long hem” (Luk 2:52 Jisas i no kasem save we i fulwan kwiktaem nomo—Hem i kasem sloslo (luk long Doktrin mo Ol Kavenan 93:12–14).

Taem Jisas i gat 12 yia, papa mo mama blong Hem tufala i faenem Hem insaed long tempol—senta blong ples blong wosip—“i stap sidaon long medel blong ol dokta mo oli stap harem hem, mo askem ol kwestin long hem” (Josef Smit Translesen [insaed long Luk 2:46, futnot c]). From se fasin blong stap lanem samting i bin kam wan impoten pat blong taem we Hem i stap kam bigwan, taem janis blong tij i kam blong tijim olgeta long tempol, Hem i bin rere. Ol tijing blong Hem long ples ia i gat wan strong filing blong sapraes long olgeta mo long papa mo mama blong Hem.

Blong Stap Yusum Save long Wok blong Givhan.

Hemia ol trifala wei se blong stap developem ol fasin olsem blong Kraes i save helpem yumi long wok ia blong givhan:

Taem yumi kam blong lanem abaot Sevya mo lanem abaot ol fasin blong Hem, yumi save moa gud wanem Hem bae i mekem blong givhan long ples blong yumi.
Taem yumi kam antap long save mo andastaning blong yumi abaot gospel, bae yumi stap long wan stret ples blong Tabu Spirit i karem i kam long tingting blong yumi wanem yumi nidim long stret taem we bae yumi nidim (luk long Jon 14:26). Hemia i save helpem yumi blong andastanem ol nid blong olgeta we yumi givhan long olgeta mo ansa ol kwestin mo ol wari blong olgeta.
Taem yumi mekem janis blong lan i kam antap, bae yumi save konek gud wetem o givim seves long ol narafala man. Bae yumi lanem moa abaot wan topik blong konek wetem wan fren we hem i gat intres long topik ia. O yumi save lanem wan skil blong save helpem wan we i stap long nid.

Blong stap kasem moa save, i save helpem yumi blong givhan long plante defdefren wei. Blong ademap, “wanem level blong waes yumi kasem long laef ia, bae hem i stap wetem yumi long taem blong laef bakegen long ded” (Doktrin mo Ol Kavenan 130:18).

Developem Save

?Long wanem wei nao yumi save developem save blong yumi long ol fasin olsem blong Kraes? Hemia samfala tingting:

Tingbaot se Jisas tu i bin lanem samting sloslo. Stap wok strong, be gat fasin blong save wet longtaem long yuwan. Blong stap lanem samting i hapen tru long “tijing folem tijing, rul folem rul” (2 Nifae 28:30).
Lanem blong luksave ol ples we yu save trastem blong kasem ol infomesen. (Luk long “Finding Truth in the Misinformation Age” long Oktoba 2022 digital Liahona.)
Stap wantem save mo lanem moa. Lanem samting aot long ol samting we i stap hapen evri dei Askem ol kwestin. Ridim ol gudfala buk mo gohed blong stap kasem infomesen (Luk long Doktrin mo Ol Kavenan 88:79, 118; 90:15.)
Lanem samting tru long stadi mo tru long fet (luk long Doktrin mo Ol Kavenan 88:118). Janis blong yu blong andastanem trutok long eni topik bae i kam antap, taem yu putum bes save mo hadwok blong yu i joen wetem bes hadwok blong yu lo saed blong spirit. Laef blong mekem se yu save kasem help blong Tabu Spirit.