“?Long Wanem Wei Nao Baptaes I Soem Fasin blong Stap Obei?,” Liahona, Jenuware 2023.
Kam Folem Mi
?Long Wanem Wei Nao Baptaes I Soem Fasin blong Stap Obei?
Sevya blong yumi hem i stret eksampol blong fasin blong stap obei long Papa long Heven we i stap talemaot se, “Hem i no lukaotem blong mekem tingting blong hemwan, be tingting blong Papa we i bin sendem Hem i kam” (Jon 5:30).
Sevya i bin baptaes blong soem stret eksampol blong fasin blong stap obei long Papa long Heven. I semmak, taem yumi soem fasin blong stap obei tru long baptaes, yumi kam insaed long wan kavenan wetem God blong stap olsem ol disaepol blong Hem we oli komitim olgetawan mo obei long Jisas Kraes. (Luk long 2 Nifae 31:5–13.)
Wan samting we i soem fasin blong stap obei we Sevya i bin soem, yumi save faenem long stori blong taem we Hem i baptaes.
“Nao Jisas i aot long distrik ya Galili, i kam long Jodan Reva, blong Jon i baptaesem hem.
“Be Jon i traem blokem hem, i talem se, “?From wanem yu kam long mi blong mi mi baptaesem yu?
“Mo Jisas i ansa, i talem long hem: “Yu letem blong mi kasem baptaes long yu, from olsem ia nao i stret long yumitu blong mekem evri stret mo gud fasin i hapen” (Matiu 3:13–15).
Jon I Baptaesem Jisas, i kam long Harry Anderson